Rafting, adrenalina që falin lumenjtë
Pranvera i hap rrugë fundjavave në lumenjtë Osum, Vjosë dhe Devoll, në kërkim të një turizmi në natyrë dhe një sporti që po shndërrohet në trend. Në maj e qershor bëhet rafting në kanionet e Osumit, ndërsa në korrik rafting spostohet në Vjosë.
Ndërsa bora kishte mbuluar Beratin në muajin shkurt, monotonia kishte përfshirë anëtarët e Rafting Albania Group. Por mjaftoi një shtytje dhe ja hera e parë në kanionet e Osumit jashtë sezonit. “ Nuk e kishim provuar ndonjëherë në borë dhe po na mbyste bardhësia. Njerëzit sikur e ngadalësuan ritmin e tyre. Gjatë muajve kur nuk bëjmë rafting, të gjithë ne antarët e shoqatave rafting ndiejmë që na mungon adrenalina natyrale që jemi mësuar të marrim deri në katër herë në javë gjatë sezonit. Unë u bëra nxitësja duke i shtyrë që të shkonim. Ndalojmë tek “Gjurma e Abaz Aliut” dhe ne e respektojmë, sepse është një vend i shenjtë e po ashtu edhe të gjithë ata që kalojnë aty. Ndalojmë edhe tek “Vrima e Nuses”. Aty ngaqë është vend i hapur edhe era uturinte. Të gjithë u stepën. Por u futëm dhe e provuam herën e parë në borë” kështu rrëfen Blerina Ago, sekretare e Federatës Shqiptare të Rafting të krijuar një vit më parë, që drejtohet nga Zamo Spathari. Rasti i tyre ishte kërkimi esktrem i adrenalinës, ndërsa pranvera ka ccelur sezonin e eksporimit dhe argëtimit të rafting për të gjithë të pasionuarit dhe turistët, të cilët janë të shumtë pasi vitet e fundit ky sport është shndërruar në një trend edhe për tregun shqiptar. Në maj e qershor bëhet rafting në kanionet e Osumit, ndërsa kur niveli i ujit bie për shkak të vapës, nga korriku deri në shtator rafting spostohet në lumin e Vjosës në Përmet. “E duam Vjosën sepse mban më gjatë si sezon ngaqë lumi ka më shumë prurje, por ka edhe një natyrë shumë të bukur e njerëz mikpritës”- thotë Blerina.
Ajo nuk e konsideron rafting një sport ekstrem dhe as ccështje muskujsh por teknike dhe stili. “Do ta quaja sport aventurë, sport në natyrë, dhe në Shqipëri është rafting turizëm. Ne nuk kemi gradën e gjashtë të ushtrimit të këtij sporti në vend. Arrijmë deri në gradën e tretë si Osumi, si Vjosa” thotë Blerina e cila bën krahasimet mes dy vendeve. Lumi i Osumit nuk ka dallgë si Vjosa. Kjo e fundit ka më shumë adrenalinë, dhe njerëzit kur janë atje thonë se pikërisht aty është adrenalina ekstreme, por Osumi ka një rrugë që je i detyruar të ndjekësh sepse është i ngushtë. Aty krijohet ndonjë vorbull e padukshme për turistët, dhe nëse je pa guidë profesioniste atëherë mund të bllokohesh. Ka një rast të shënuar në kronikën e medias, dhe pikërisht antarët e federatës së rafting ia kanë dalë mbanë t’i nxjerrin nga vështirësia. Këtu Blerina thekson se nuk ka arsye për frikë, por vetëm për kujdes dhe përgjegjësi. Asnjëherë nuk duhet bërë rafting pa guidë të vërtetë. Federata e Rafting bën dy herë në vit inspektim të terrenit pasi lumi ndryshon ccdo ditë. Madje për herë të parë nga në fund të majit do të organizohen kurset e trajnimit profesional të cilat mbështeten nga Programi Rritje Albania pranë USAID. Këto kurse do të zgjasin dy javë dhe javën e praktikës në terren do ta asistojnë mjeshtrat italianë për të qenë plotësisht në përputhje me përvojën e huaj. Këto kurse duam t’i bëjmë të hapur për të gjithë publikun.”shpjegon Blerina Ago.Nisur nga përvoja e shteteve të tjera edhe në Shqipwri turistët e huaj duhet të shoqërohen nga guidat shqiptare, profesionale. Në asnjë shtet nuk lejohet të bësh rafting pa guidë të njohur nga shteti. Kjo shmang incidentet e pakëndshme dhe që dëmtojnë njerëzit e turizmin.
TE GJITHE PER RAFTING Pjesë e rafting janë bërë të gjithë, diplomatë të huaj, politikanë, artistë, fotografë, përfaqësues të senatit amerikan e mjaft njerëz të njohur, të cilët kur hipin në gomone janë si të gjithë, madje zhvishen nga luksi i jetës së përditshme. Dikush edhe i ka zhgënjyer përkohësisht. “Na kanë zhgënjyer deri sa nuk janë futur në kanion. Rruga nuk është e mirë dhe duke mos qenë një njeri sportiv, krijohet një situatë e sikletshme. Por kur hyjnë aty brenda ndërrojnë mendim. Nuk ka një njeri të vetëm që të mos i pëlqejë kanionet”-thotë Blerina, e cila kujton edhe rastin e një turisteje 70- vjeccare nga Hollanda, e cila ishte e shëndoshe dhe jo shumë sportive. Në fund të udhëtimit, tha: “ Ia futa jetës. Këtë gjë duhet ta kisha bërë që kur isha 18 vjec por atëherë nuk kisha mundësi dhe e bëra tani”. Ndërsa një grup të rinjsh nga Suedia gjatë gjithë rrugës, u acaruan nga plehrat, kushtet, dhe ishin shumë të vrenjtur. Por kur hynë në kanion filluan të thoshin se kjo ishte Shqipëria dhe ishte e bukur. Pas këtij rasti, është momenti për të komentuar me Blerinën se natyra jonë është perlë, por njerëzit janë shumë hapa më pas. Por ushtruesit e rafting janë optimistë dhe përpiqen të ndikojnë sa munden tek instancat qeveritare për mjedisin rrotull kanioneve plot bukuri natyrore. Blerina tregon:”Kanionet e Skraparit janë më të mëdhatë. Ne bëjmë 14 kilometrat më të bukur, që janë të gjelbëruar, shikon përbërje shkëmbore, habitesh çfarë ka bërë natyra, ndërsa grackat nuk i kupton turisti.”
Sondazhi i ditës:
Çfare prisni nga sesioni i ri parlamentar?
-
Dialog
22.1%
-
Debat
52%
-
Nuk e di
25.9%
Vota total: 548
Votat totale janë unike
Lajme të tjera
-
Tiranë/ 4-vjeçarja rrëzohet nga kati i 3-të mes shkallëve elektrike të një qendre tregtare, shpëton mrekullisht
1 Shtator, 13:43
-
Masakra e Bradasheshit, kush gazetar kërkoi 120 mijë €? Porosia e bisedës në ‘Sky”: Mos nxirr këto emra! Hetimi i SPAK: Ishte në kafe me ushtarin e Franc Çopjas
1 Shtator, 13:32
-
Zjarret në vend, Ministria e Mbrojtjes: 22 vatra të shuara në 24 orë, 5 aktive
1 Shtator, 13:24
-
Vuani nga rënia e flokëve? Ushqimet që duhet të konsumoni
1 Shtator, 13:16
-
Dyshohet se abuzoi seksualisht me një vajzë të mitur, lihet në burg 71-vjeçari nga Maliqi
1 Shtator, 12:51
-
Shkodër/ Ishin mbjellë në një zonë të thellë malore, asgjësohen 3459 bimë kanabis! Shpallen në kërkim babë e bir
1 Shtator, 12:48
-
Burri në proces divorci e leu me benzinë dhe i vuri flakën, Melisa Trëndafili në luftë për jetën në QSUT! Fqinja i hoqi rrobat e ndezura nga trupi! 45-vjeçari ende në kërkim
1 Shtator, 12:42
-
Itali, 70-vjeçari shqiptar godet disa herë me thikë nusen e djalit pas një debati të ashpër (EMRI)
1 Shtator, 12:41
-
Horoskopi i muajit shtator 2024/ Çfarë surprizash ju presin në dashuri, punë dhe financa?
1 Shtator, 12:01
-
Sulmi në Bregun Perëndimor, vriten 3 agjentë izraelitë
1 Shtator, 11:48
-
Siguria detare/ Nga Ksamili në Koman 18 mjete lundruese të bllokuara gjatë kësaj jave! Gjobiten me nga 1 mln lekë drejtuesit e 4 mjeteve
1 Shtator, 11:43
-
Zbulimi trupave të 6 pengjeve në Gaza, apeli i familjeve: Nesër grevë e përgjithshme
1 Shtator, 11:38