POP 5

Lajmet më të lexuara të 5 minutave të fundit

Politikë

Rama: Akt brutal,  Berisha
në këmbë 3 nga mercenarë

Për liderin socialist një veprim i tillë ishte i pritshëm nga Berisha, i cili është i sigurtë se zgjedhjet i humbet me votë plebishitare dhe po kërkon të qëndrojë në këmbë falë një "grushti qorrash e mercenarësh, të verbuar nga joshjet e pushtetit të korrupsionit".
TIRANE- Kryetari i Partisë Socialiste e cilësoi një akt brutal në kundërshtim me Kushtetutën por dhe kundër SHBA e Europën, veprimin e djeshëm të kryeministrit Berisha për shkarkimin e anëtarit të KQZ-së, propozuar nga LSI Ilirjan Muho 

Për liderin socialist një veprim i tillë ishte i pritshëm nga Berisha, i cili është i sigurtë se zgjedhjet i humbet me votë plebishitare dhe po kërkon të qëndrojë në këmbë falë një "grushti qorrash e mercenarësh, të verbuar nga joshjet e pushtetit të korrupsionit".

Për Ramën, veprimet e Berishës kundër Amerikës dhe Europës do i jepet fund më 23 qershor kur Berisha do të largohet nga pushteti edhe sikur t’i numërojë votat në shtëpinë e tij.

Rama mblodhi grupin parlamentar vetëm pak minuta pasi përfundoi takimin me Baroneshën Ashton në hotel Sheraton.

"Ashton solli mesazhe të forta të përcjella me elegancë. Ajo që ndodhi dje nuk goditi vetëm Kushtetutën, ligjin, zgjedhjet, por Shqipërinë në sytë e miqve dhe të partnerëve ndërkombëtarë, të cilët paralajëmruan më përpara për pasojat e këtij akti brutal, tipik për një sundimtar të marrë fund, që rri në këmbë falë një grushti mercenarësh të verbuar nga joshjet e pushtetit të korrupsionit - tha Rama.

Për kryetarin e PS-së seanca e djeshme ishte “një fotokopje e seancës së zgjedhjes së presidentit në mars të 1997 për nga hapësirat tërësisht të izoluara qoftë së brendshmi qoftë së jashmi ku u zhvilluan”

“Është e qartë se kryeministri në ikje po e përjeton keq e më keq verën e një vetmie të madhe ku ka mbetur pa asnjë aleat serioz fillikat i rrethuar nga qorra e mercenarë përballë një furie popullore që do i japë fund sundimit të tij me votë për një rilindje shqiptare. E kemi ditur që në krye të herës kë kemi përballë, tani e kanë të qartë të gjithë ata që ushqenin ndonjë iluzion se kë ka Shqipëria në qafë. Të gjitha manovrat e Saliut nuk kanë asnjë shans të ndryshojnë fatin e zgjedhjeve. Ka vendosur të bëjë kundër Amerikës e Europës për të qëndruar në një pushtet që do të rrijë në këmbë deri më 23 qershor falë këmbës së Saliut dhe 3 këmbëve të marra nga rruga e mercenarizmit. Një gjë duhet ta dëgjojë edhe sikur në shtëpi të numërojë votat, Saliu do të largohet nga pushtetit me një votë plebishitare që nuk e mbyll dot më brenda në kuti bashkë me Shqipërinë dhe të ardhmen e saj. 23 Qershori dita kur Shqipëria do të vendosë dhe asgjë nuk e ndal dot në vendimin e saj sovran”- nënvizoi Rama.

(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA-ja sanksionon industrinë serbe të naftës për shkak të pronësisë ruse

SHBA-ja sanksionon industrinë serbe të naftës për shkak të pronësisë ruse

10 Janar, 17:21