Rama: Ambicia jonë është që në Tepelenë të vijnë 150 mijë turistë nga 15 mijë që ishin vitin e kaluar! Kalaja do jetë motor për zhvillimin ekonomik

 

Gjatë takimit me qytetarët në Tepelenë, Rama u shpreh i bindur se nëse bashkia do t’i besohet sërish Tërmet Pecit për një mandat tjetër, do të ketë mbi 150 mijë turistë që do vizitojnë këtë zonë, nga 15 mijë që kanë qenë vitin e kaluar.

Ai shtoi po ashtu se 90% e rrugëve të Tepelenës janë të ndërtuara gjatë drejtimit të socialistëve dhetheksoi se kalaja e qytetit do të jetë një motor për ekonominë pasi do të sjellë një numër të lartë turistësh.

“Janë mbi 15 mijë turistë që kanë ardhur në Tepelenë vitin e shkuar. Ambicia ime është që Tepelena të bëhet vendi ku të vijnë 150 mijë turistë dhe të rrijnë këtu, të ndalojë këtu, të hanë të flenë dhe mos kujtoni se kjo është e pamundur. Ishte më e vështirë kjo që kemi bërë deri më tani sesa ajo që do bëjmë më tutje. Janë 90% e rrugëve të Tepelenës të shtruara, ishin lënë në baltë dhe pluhur. Tepelena vuante për hujë deri para disa vitesh. Sot gjithë zona ka ujë të pijshëm 24 orë. Është fushata e parë që unë mbaj mend që nuk flasim më për ujin e pijshëm si një gjë që do e bëjmë në të ardhmen. Kalaja nuk do jetë më kantier por motor tjetër ekonomik për Tepelenën. Aty do ketë shërbimi, hoteleri të vogël, aty do gëlojë nga turistët”-u shpreh kryesocialisti.


Lajmi kryesor:

Rama në Tepelenë: Shqiptarët nuk kanë më çfarë t'i japin 'Salikes non-grata'! Ata kanë borxhe gjaku në bulevard për të cilat do të mbajnë përgjegjësi


B.V/r.k./Shqiptarja.com
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali