Kryeministri Edi Rama nuk i kurseu ironitë në lidhje me kritikat që bëhen ndaj qeverisë sa i takon sektorit të bujqësisë. Teksa prezantoi sot buxhetin e ri për bujqësinë për vitin 2022 që e konsideroi më të madhin në histori, Rama iu përgjigj komenteve negative duke thënë se kush shkruan në facebook se bujqësia ka marrë fund, janë ‘out’. Kryeministri shtoi se sot punohet dyfishi i tokës krahasuar me 2013 dhe se eksportet janë rritur ndjeshëm.
“Atyre që nga smartphone-i bëjnë komente në Facebook që bujqësia ka marrë fund, fshati ka marrë fund, gjithçka ka marrë fund, u them që jeni “out” nuk dini se çfarë flisni. E kundërta është e vërtetë. Mjafton të shikojmë faktet dhe nuk ka nevojë të humbasim në shumë shifra. Mjaftojmë të shikojmë eksportet. Rritja e përvitshme e eksporteve bujqësore tregon vetë, nuk ka nevojë të diskutojë gjërë e gjatë. Eksportet bujqësore rriten sepse rritet prodhimi. Eksportet bujqësore rriten sepse rriten kapacitetet grumbulluese. Eksportet bujqësore rriten sepse rriten kapacitetet tregtuese të vendit. Ashtu sikundër, mjafton të shikojmë tokën që punohet. Si paska shkuar mbrapsht kjo punë kur në 2013 punoheshin 120 mijë hektarë, sot punohen 255 mijë hektarë? Jemi në kushtet ku punojmë dyfishin e tokës në Shqipëri.Pse e punojmë dyfishin e tokës në sot?Sepse kemi investuar fuqishëm në 230 mijë hektarë sipërfaqe, duke rihabilituar ujitje dhe kullim. Pse nuk punohej toka deri disa vite më parë? Sepse nuk kishte as ujë, as kullim”, tha Rama.
Duke se përgjigja e Ramës për kritikët i drejtohet edhe ish-zëvendëskryeministrit Erion Braçe, i cili ka qenë kritiku më i madh për paketën fiskale për Bujqësinë. Ai disa herë ka kërkuar politika të qëndrueshme fiskale për fermerët, ndërsa iu përgjigj sot edhe kryeministrit Rama. Sipas ish-zëvendëskryeministrit me skemën aktuale të TVSH-së në bujqësi, humbet blerësi dhe për pasojë nuk ka interes të blejë prodhimin në vend. Situatë që sipas Braçes do të thellohet më tej në rast se rimbursimi i fermerëve nga 6% që është aktualisht do bëhet 0%. Sipas tij duhet barazim i TVSH-së në shitje dhe në blerje
Gjatë prezantimit të buxhetit, Rama tu ndal edhe te protesta e fermerëve pak ditëve më parë në Lushnjë që lidhej me heqjen e rimburismit prej 6 %. Sipas Rams, fermerët ishin keqinformuar në mënyrë të qëllimshme, teksa shtoi se bujqësi është i vetmi sektor që nuk paguan asnjë taksë për shtetin. Paketa fiskale u miratua në parim ditën e djeshme në Komisionin e Ekonomisë dhe parashikonin heqjen e subvencionit me 6% të TVSH-së, rivendosejen e taksës 10% për inputet bujqësore dhe vendosjen e tavanit të ri për investimet në bujqësi që përjashtohen nga pagesa e TVSH-së. Kjo është refuzuar nga fermerët që kërkojnë barazim të TVSH-së në shitje dhe në blerje si dhe rivendosjen e TVSH-së me 6%.
Kritikave të Kryeministrit Edi Rama se fermerët janë keqinformuar dhe ndaj protestojnë iu është përgjigjur deputeti i PS-së Erion Braçe. Një nga kritikët më të mëdhenj të paketës fiskale dhe buxhetit për bujqësinë brenda PS-së është Erion Braçe i cili shkruan se nuk është keqinformuar dhe as nuk i ka keqinformuar fermerët. Sipas ish-zëvendëskryeministrit me skemën aktuale të TVSH-së në bujqësi, humbet blerësi dhe për pasojë nuk ka interes të blejë prodhimin në vend. Situatë që sipas Braçes do të thellohet më tej në rast se rimbursimi i fermerëve nga 6% që është aktualisht do bëhet 0%. Për të shmangur thellimin e humbjeve Braçe thotë se duhet të TVSH-ja në blerje e në shitje, siç ndodh për produktet e tjera apo siç veprohet me sektorin e peshkimit.
"Të gjithë kemi shqetësimin e prodhuesit, unë, ministrja, kryeministri; Por shqetësimi nuk zgjidhet duke thelluar dëmin, pra duke thelluar humbjen e blerësit, shkatërruar interesin e tij për të blerë nga bujku, për pasojë prodhimin e pashitur nga bujku! Ato që kërkohen nuk janë para më shumë; Kërkohet barazimi i tvsh në blerje e në shitje si kudo në këtë vend, kudo jashtë këtij vend; siç tek peshkimi xhanëm!", shkruan Braçe mes të tjerash.
Postimi i plotë:
Unë nuk keqinformohem! Unë nuk keqinformoj, as me qëllim politik, as me qëllim ekonomik apo përfitimi personal! Për bujqit, prodhimin, grumbullimin, përpunimin-brenda vendit, eksportin, them.
Ndaj po marr përsipër ta shpjegoj;
▪ Që bujku të prodhojë, duhet që ta shesë, të sigurojë të ardhura për të prodhuar përsëri dhe më shumë e për të jetuar;
▪ që bujku të shesë duhet që blerësi, grumbullues apo përpunues, supermarket, të ketë interes, pra të fitojë edhe ai ose minimumi të mos humbasë para; nëse humb para, pse të blejë?!
Skema 6% në blerje dhe 20% në shitje funksionon kështu:
▪ Bujku ka prodhuar e do të shesë 1 kg domate, çmimi 500 lekë (të vjetra);
▪ Blerësi që është grumbullues ose përpunues, ble 1 kg domate me çmim 500 lekë;
▪ Blerësi ka detyrim ligjor të autofaturojë blerjen me 6% tek bujku:
471.5 (vlerë e tatueshme)+28.5 (tvsh 6%)=500 lekë.
▪ Blerësi do dalë të shesë, pasi shton vlerën e 1 kg domate nga 500 në 650 lekë.
Blerësi tani si shitës, shet me 20% tvsh, pra i paguan qeverisë/tatimeve, 20% të vlerës në shitje:
20% e 650 lekëve=108.3 lekë tvsh.
pra:
Blerësi nga bujku (grumbullues, shitës, përpunues, shitës), krediton te bujku kur ble prej tij 6%=28.5 lekë;
Blerësi si shitës (grumbullues, përpunues), paguan tek qeveria 20%=108.3 lekë.
llogaria shumë e qartë:
108.3-28.5=79.8 lekë!
Blerësi nga bujku, kur i ble prodhimin bujkut, huuuuuumbeeeeeet 79.8 lekë për një kilogram domate! Me skemën e re 0 në blerjen e 20% në shitje, blerësi nga bujku, huuuuuuuumbeeeeeet 108.3 lekë!
Tani pyetje kam:
Përse duhet të blejë unë nga bujku kur humbas para? përse?
Nëse unë nuk blej sepse humbas para deri ne 16% të 500 lekëshit të një kg domate, përse duhet të prodhojë bujku? cili idiot apo bamirës do ja blejë prodhimin?
Askush!
Kaq e thjeshte është.
Të gjithë kemi shqetësimin e prodhuesit, unë, ministrja, kryeministri;
Por shqetësimi nuk zgjidhet duke thelluar dëmin, pra duke thelluar humbjen e blerësit, shkatërruar interesin e tij për të blerë nga bujku, për pasojë prodhimin e pashitur nga bujku! Ato që kërkohen nuk janë para më shumë;
Kërkohet barazimi i tvsh në blerje e në shitje si kudo në këtë vend, kudo jashtë këtij vend; siç tek peshkimi xhanëm!
Lajme të tjera
-
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16
