Rama: Berisha, mbreti lakuriq
mban peng mandatin e PS

TIRANË – Kryetari i PS, Edi Rama në një dalje të posacme për median ka akuzuar sërish kryeministrin Berisha se po mban peng mandatin e deputetit të ri të socialistëve. Pas deklaratës së Berishës në mbledhjen e grupit kuvendor, Rama tha se mandatin e e Rudina Seserit, KQZ ia ka dhënë Gjon Bardhit. Ky i fundit, sipas Ramës, duke qenë deputet në listën e PS, ka paraqitur dorëheqjen nga kjo listë, pasi ka garuar dhe ka fituar për kryetar bashkie të Fushë Krujës.

“Funksioni i deputetit është kushtetueshmërisht i papranueshëm me atë të kryetarit të bashkisë. Kandidati ynë nuk ishte deputet kur kandidoi. Ai ishte qytetar si gjithë të tjerët. Ai vendosi të zgjedhë qëndrimin në detyrën që ka. Refuzoi me shkrim përpara kuvendit. Pretendimi i kryeministrit se PS duhet të shkojë në gjykatë nuk është i vërtetë. Është kuvendi, jo partia që merret me procedurat e doreheqjeve”, tha Rama.
Ai tha se kryeministri me deklaratën e tij për t’iu drejtuar Gjykatës së Apelit konfirmohet si shpërdorues i pushtetit .
“Ai rikonfirmon edhe një herë krimet elektorale të kryera hapturazi, ndërsa pëdor justifikime për të thënë më pas se po më bllokon opozita. Kryeministri ka dështuar me qeverisjen e vendit me integrimin europian dhe tani më edhe justifikimet i ranë të gjitha si rrobat e mbretit lakuriq”, e mbylli deklaratën e tij kryesocialisti.

(aq/shqiptarja.com)

TAG:
• kqz