POP 5

Lajmet më të lexuara të 5 minutave të fundit

Kronikë

Rama dhe Manastirliu inspektojnë vaksinimin në sheshin ‘Skënderbej’: Sot marrin dozën e dytë mbi 10 mijë të moshuar (VIDEO)

Kryeministri Edi Rama ka inspektuar procesin e vaksinimit në sheshin 'Skënderbej', ku gjatë ditës së sotme do të marrin dozën e dytë të vaksinës 10 mijë të moshuar.

Vaksinimi antiCOVID po vijon në mbarë vendin, sipas kategorive të përcaktuara në bazë të moshës dhe profesioneve të veçanta.  Për të moshuarit e vaksinuar më herët ka nisur marrja e dozës së dytë të vaksinës, në të gjitha qendrat e përqendruara të vaksinimit. Sot do të marrin dozën e dytë 10 mijë të moshuar.

Të moshuarit, që po vaksinohen në pikën e vaksinimit në sheshin "Skënderbej", i vizitoi sot Kryeministri Edi Rama, i cili inspektoi mbarëvajtjen e procesit.

“Sot kemi ditën e rivaksinimeve. Kemi mbi 10 mijë planifikime sot. Kemi kryer mbi 416 mijë vaksinime deri tani e sot kalohet në 425 mijë, apo edhe më shumë. Ndërkohë që kemi disponibilitet mbi 300 mijë vaksina”, – tha Manastirliu.

Procesi vaksinimit masiv po vijon me kalendar të kombinuar, për personat mbi 60 vjeç dhe punonjës të shërbimeve kritike. Në total janë kryer 417,146 doza të vaksinës ndaj COVID-19, prej të cilave 322,710 vaksinime për personat mbi 60 vjeç.

 

 

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim

26 Dhjetor, 15:20