POP 5

Lajmet më të lexuara të 5 minutave të fundit

Politikë

Rama: Do dalim më të fortë nga pandemia dhe rindërtimi! Nuk jemi më të mirët, po më të mirë se ne nuk ka

Kryeministri Rama është i bindur se shumica e tij qeverisëse është e vetmja forcë politike që mund të përballojë sfidën e pandemisë dhe të cojë deri në fund procesin e rindërtimit. Kundërshtarëve të tij politikë, të cilët e akuzojnë se nuk po e përballon si duhet këtë situatë, Rama iu përgjigj me premtimin se do ta nxjerrë më të fortë vendin nga këto dy sfida.

Kryeministri Rama është i vendosur për të fituar betejën me pandeminë dhe të çojë deri në fund procesin e rindërtimit pavarsisht kritikave të kundërshtarëve se nuk ka marrë vendimet e duhura

Akuzave të Lulzim Bashës, i cili thotë se brenda spitaleve COVID nuk ka kapacitete, duke e akuzuar Ramën për propagandë False, kreu i qeverisë iu përgjigj me një zotim mbrëmjen e së enjtes .

“Ne do ta bëjmë me të gjitha forcat luftën me Armikun e Padukshëm dhe fronti ynë i mbrojtjes në spitalet Covid do të jetë deri në fund, një shembëlltyrë e vendosmërisë, kurajos, profesionalizmit, pa asgjë mangut krahasuar me kushtet spitalore, kurat farmaceutike, shërbimin mjekësor në spitalet Covid të Europës!”

Në prag të 1 vjetorit të tërmetit të 26 nëntorit  Rama premtoi se rindërtimi  i cdo ndërtese të shkatërruar do të bëhet në kohë rekord.

“Dhe Shqipëria do të dalë më e fortë nga këto dy sfida të rënda, të cilat mund t'i përballojë e t'i fitojë vetëm kjo shumicë qeverisëse, sepse ne nuk jemi më të mirët dhe kemi patjetër të metat, gabimet, boshllëqet tona, po më të mirë se ne për Shqipërinë nuk ka!”

Përballimi i pandemisë është kthyer në mollë sherri mes kryeministrit Rama dhe liderit të opozitës. Më herët gjatë ditës, Rama publikoi pamje nga spitali Covid 2, teksa i kujtoi opozitarëve se nuk i duhen askujt, nëse nuk lënë akuzat e pabaza dhe nuk gjejnë forcën për tu bërë bashkë edhe në këtë situatë pandemie.

 

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BENI: 13/11/2020 00:02

    BRAVO RAMA....

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Biden kërkon 24 miliardë dollarë ndihmë për Ukrainën, Elon Musk: Kjo nuk është mirë

Biden kërkon 24 miliardë dollarë ndihmë për Ukrainën, Elon Musk: Kjo nuk është mirë

27 Nëntor, 13:54