POP 5

Lajmet më të lexuara të 5 minutave të fundit

Politikë

Rama drejt Brukselit, pritet të takohet me kreun e KE Von der Leyen

Kryeminsitri Edi Rama udhëton sot drejt Brukselit ku do të takohet me Presidenten e Komisionit Europian. Ursula von der Leyen do të mbledhë udhëheqësit e vendeve të Ballkanit Perëndimor në një drekë pune më 19 shtator ku në fokus do të jetë plani i rritjes ekonomike.

Kryeministri Edi Rama do të udhëtojë drejt Brukselit për t’u ulur në tryezën e thirrur nga Presidentja e Komisionit Europian. Ursula Von Der Leyen do të bëjë bashkë në një drekë pune 6 liderët e vendeve të Ballkanit Perëndimor, të enjten e 19 shtatorit, ku në fokus të diskutimeve do të jenë  “agjendat e reformave dhe rritjes”.

5 vendet, veç Bosnje-Hercegovinës, kanë dorëzuar në Komisionin Evropian agjendat e tyre për reformat të cilat synojnë të ndërmarrin, parakusht për të  siguruar pagesat e para nga Plani i Rritjes për Ballkanin Perëndimor, i miratuar nga BE-ja në maj të këtij viti.

Kjo pritet të jetë edhe çështja kryesore e diskutimeve në këtë tryezë, për të parë ecurinë e përgatitjeve të secilit prej vendeve në mënyrë që komisioni Evropian të miratojë agjendat në muajin tetor, ndërsa pagesat e para të bëhen para fundit të këtij viti.

Përmes Planit të Rritjes, Bashkimi Evropian planifikon të ndajë rreth 6 miliardë euro për vendet e rajonit në periudhën prej vitit 2024 deri në vitin 2027. Prej kësaj shume, dy miliardë do të jenë grante nga BE-ja ndërsa pjesa tjetër në formën e kredive të buta.

Shqipëria pritet të përfitojë nga ky fond afro1 mld euro, ndërsa Kosova 880 mln euro.  Përllogaritja për shumën financiare që do t’i takojë secilit vend do të bëhet në bazë të  GDP-së, numrit të banorëve dhe disa kritereve të tjera, por në rast se vendet e rajonit nuk përmbushin reformat pas një apo dy vitesh, atëherë shuma do t’u shpërndahet vendeve tjera.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Osmani takon ish-ambasadorin Walker: E vërteta e Reçakut është e pamohueshme

Osmani takon ish-ambasadorin Walker: E vërteta e Reçakut është e pamohueshme

15 Janar, 09:04