Rama: Duhet evituar një karantinë e përgjithshme! Më mirë një maskë sot se sa një dyqan i mbyllur nesër

Duke folur për rëndësinë e përdorimit të maskës, Rama thotë se është më mirë që të mbahet një maskë sot se sa të mbyllen dyqanet nesër. Kjo duke vendosur theksin tek evitimi i një karantine të përgjithshme.

"Nëse të gjithë e marrin për dobësi unë them që është e më mirë një maskë sot se mbyllja e dyqani nesër e shkollës dhe e qytetit nesër. Shumë e thjeshtë, unë s'kam mbajtur maskë jashtë, por do e mbaj pasi brenda nuk diskutohet. Kjo është një tendencë e përgjithshme që ne nuk mund ta shmangim. Dje kam parë një sërë vendesh që janë kthyer të 5 veta bashkë, tek oraret e kufizuara, mbyllja pas orës 8 apo 9 të darkës nuk dua të kalojmë tek këto masa dhe mundësisht ta kalojmë dimrin pa këto masa. Objektivi i çdo shqiptari është të mos i mbyllim në shtëpi, të mos mbyll dyqanin dhe të mos mbyllë shkollën. Kështu që duke komunikuar me komitetin e ekspertëve dhe duke marrë së fundmi prej tyre opinion që është koha për të bërë të detyrueshme makën sepse duke abuzuar me faktin që nuk lejohet jashtë njerëzit nuk e mbajnë as brenda" - tha Rama.

Lajmi kryesor:

'Nga e enjtja maska e detyrueshme në çdo ambient, edhe në rrugë', Rama: Gjobat do të vihen në faturën e dritave (VIDEO)

E.M./r.k./Shqiptarja.com

TAG:
• Maska Covid