Rama: "Elhaida, ashtu siç duhet
të jetë Shqipëria para botës"
Në rrjetin social të tij, Twitter kreu i Partisë Socialiste, Edi Rama i ka dedikuar një status talentit dhe imazhit të artistes. “Elhaida është Shqipëria siç duhet të jetë në sytë e botës! Rrezatuese, tërheqëse, mbresëlënëse, modeste, këmbëngulëse. Komplimentet më të
të jetë Shqipëria para botës"">
Aspak nuk i kishte shkuar në mendje jurisë italiane dhe teleshikuesve të “RaiDue” se 19-vjeçarja shkodrane, nga Shqipëria do të ishte një e papritur kaq e madhe në edicionin e parë, të “The Voice of Italia”. Muzikanti Piero Pelu, i grupit “Litfi ba”, u shpreh se me zërin që ka kjo vajzë mund të bëjë ç’të dojë, e pyeti nëse emri i saj është Uragan dhe nuk fshehu admirimin për këtë zë të pabesueshëm. Ndërsa Raffaela Carra e cilësoi thjesht “të mrekullueshme”dhe bëri ç’është e mundur që ta bindte për ta marrë në skuadër. Elhaida, qe këngëtarja surprizë që publiku e përshëndeti me entuziazëm duke u ngritur në këmbë, do të jetë nën drejtimin e këngëtarit dhe autorit Riçardo Coçiante, pas zgjedhjes që bëri ajo vetë, ku e pret një sfidë e rëndësishme dhe jo e lehtë. Elhaida Dani me zërin potent bëri një audicion të jashtëzakonshëm duke çuar në këmbë publikun dhe 4 trajnerët.
Ajo kishte zgjedhur këngën “Mama Knoës Best” të këngëtares Jessie J, të shkruar nga Jessica Cornish dhe Ashton Thomas ku u pëlqye dhe u duartrokit gjatë. Kënga kërkonte një zë të fortë dhe me ekstension vokal dhe performanca e Elhaidës mori komplimente nga të gjithë trajnerët. Piero Pelù e pyeti nëse emri i saj ishte “uragan”, por këngëtarja u përgjigj: “Quhem Elhaida dhe vij nga Shqipëria”. Në mes të “betejës” së trajnerëve se kush ta merrte në skuadër Elhaidën, u fol për herë të parë për një candidature për fitoren e këtij programi të zhvilluar për herë të parë në Itali dhe të transmetuar në kanalin Italian ku nuk munguan dhe shprehjet , por nuk munguan dhe shprehjet: “E adhurueshme, uragan, fantastike apo shkatërruese”.
E ndërsa komentet në drejtim të së talentuarës nga Shqipëria kanë qenë të pakursyera, si nga publiku Italian ashtu dhe ai shqiptarë, ku ajo u vlerësua për perfomancën e saj, forcën e zërit, interpretimin dhe talentin e saj. Por pas një suksesi të tillë u pa se video e Elhaidës në Youtube u hoq nga qarkullimi me arsyen e të drejtës së autorit të “Rai Due”.
RAMA: ELHAIDA ËSHTË SHQIPËRIA, SIÇ DUHET TË JETË NË SYTË E BOTËSNë Tiranë gjatë këtyre ditëve është diskutuar gjerë e gjatë mbi Elhaidën dhe suksesin e saj që po ndodh në vendin fqinjë Itali. Në emisione të ndryshme, debate dhe forume është vlerësuar së tepërmi talenti dhe interpretimi i saj. Në rrjetin social të tij, Twitter kreu i Partisë Socialiste, Edi Rama i ka dedikuar një status talentit dhe imazhit të artistes. “Elhaida është Shqipëria siç duhet të jetë në sytë e botës! Rrezatuese, tërheqëse, mbresëlënëse, modeste, këmbëngulëse. Komplimentet më të pakursyer për Elhaidën”përfundon Rama. “S’je më”, është kënga që e bëri mjaft të njohur Elhaida Danin në edicionin e 9-të të Festivalit në Top Fest ku ajo ajo u vlerësua me çmim të parë në vitin 2012.
Ajo njihet si një këngëtare me talent dhe si vokaliste ku më 2009 regjistroi këngën e saj të parë, “Si asnjëherë”. Ka studiuar piano që në moshën 6-vjeçare në shkollën ‘Prenkë Jakova’ në Shkodër. Ka marrë pjesë në talent–shoë “Star Academy”, ku është shpallur fituese në vitin 2009, pastaj ka marrë pjesë në festivale ndërkombëtare në Rumani, Bullgari etj, ku është shpallur fituese e çmimit të madh. Viti 2011 ishte shumë i suksesshëm për të. Në gusht të vitit, ajo ishte një nga konkurrentët e Suncane Skale ku fitoi çmimin për artisten më të mirë të re. Në 23-24 shtator ajo ishte pjesë e Festivalit Zlaten Kesten në Petriç, Bullgari ku ajo u zgjodh Best Singer. Konkurrimi i saj në festivale filloi në RTSH-në në vitin 2011 me festivalin kombëtar shqiptar, ku kënga e saj u nderua me çmimin “Melodia më e mirë”, por 2013 mbetet bumi i saj.
Shkrimi u botua në numrin e sotëm të suplementit "THASH&THEM" të gazetës "Shqiptarja.com"Redaksia Online(xh.k/shqiptarja.com)
41/2
Sondazhi i ditës:
Shqipëria hap negociatat me BE për kapitullin 1, kur do ndodhë integrimi?
-
Brenda 2030
58.1%
-
Pas 2030
31.5%
-
Nuk e di
10.5%
Vota total: 813
Votat totale janë unike
Lajme të tjera
-
Lufta/ Palenstinezët: 30 të vrarë në kampet e refugjatëve nga sulmet izraelite! OKB denoncon: Prej 10 ditësh nuk hyn asnjë ndihmë ushqimore në Gaza
12 Tetor, 10:04
-
Krisje në Kombëtare? Sylvinho tha se ishte i dëmtuar, Keidi Bare luan 60 minuta në fitoren e Zaragozës
12 Tetor, 10:02
-
Shqiptari i CIA-s, loja me shërbimet sekrete. Kush ishte THROWOFF 3? Esencë-Report Tv
12 Tetor, 09:45
-
Liga e Kombeve/ Gjermania tri pikë në Bosnjë, Holanda barazon në Budapest! Fitojnë Turqia dhe Ukraina
12 Tetor, 09:35
-
Aksident i rëndë në Itali/ Vdes një shqiptar, 3 plagosen! Makina del nga rruga dhe përplaset me murin
12 Tetor, 09:30
-
'Pista e Formula 1 në Elbasan' Rama: Jemi në hapat e fundit para firmosjes! Do të jetë sfiduese por dhe motor ekonomie për vendin
12 Tetor, 09:20
-
Ekskluzive/ VOA: Hezbollahut po i mbarojnë fondet, ndërsa Izraeli vazhdon bombardimet
12 Tetor, 09:07
-
Qeveria mbledh sërish kryebashkiakët, në fokus strategjia për turizmin
12 Tetor, 09:00
-
Nedim Bajrami: Çekia s'bëri asgjë më shumë se ne! Laçi: Goli i dytë na 'fiku dritat'
12 Tetor, 08:57
-
'Dy protesta ka pasur Shqipëria, të tjerat shfaqje politike për pushtet!' Rama: Në Administratë kemi ende nga ata për të qarë hallin por ka dhe për tu ndjerë krenarë
12 Tetor, 08:45
-
'S'jemi kombëtare shkel e shko', Mirlind Daku për flamujt provokues: I thashë arbitrit, jemi shtet i vogël
12 Tetor, 08:38
-
'Djathtas' Antiberishistët me parti të re, sot prezantimi
12 Tetor, 08:24