Rama flet për të fejuarën e djalit: Kjo humbje vetëm sa shtoi detyrimin tim për të bërë gjithçka, nuk shoh ndryshim nga të tjerët

Kristi Reçi dhe Greg Rama

Kryeministri Edi Rama ka folur në emisionin Porta a Porta në televizionin Rai Uno për Kristi Reçin, të fejuarën e djalit të tij Greg Rama, e cila bashkë me familjen e saj humbën jetën nga tërmeti tragjik i 26 Nëntorit. Teksa u ngushëllua nga gazetari Bruno Vespa për këtë humbje, Rama tha se nuk ka dashur të flasë për këtë gjë sepse tërmeti nuk ka prekur vetëm atë dhe familjen e tij por të gjithë vendin.

“Kam detyrimin të bëj kryeministrin e një vendi që vuan tragjedinë, ndaj nuk doja të flisja për këtë ngjarje sepse nuk është diçka që më përket vetëm mua dhe familjes sime, por i përket të gjithëve. Kjo humbje vetëm sa e shtoi detyrimin tim për të bërë gjithçka, sepse nuk shoh ndryshim nga gjithë të tjerët që humbën jetën”, thotë Rama.

Kristi Reçi, studente në Fakultetin e Mjekësisë, u shua bashkë me familjen e saj pas tërmetit të 26 Nëntor. Nga rrënojat e pallatit ku ata jetonin u nxorën të pajetë babai i saj Eduard Reçi, nëna Dolora Reçi dhe vëllai Klaus Reçi.

  • Sondazhi i ditës:

    Me 14 muaj punë, gjyqtarja që liroi Fjolla Morinën merr zakonet e 'drejtësisë së vjetër'! A është kjo drejtësia e re që prisnit?

Komento


×

Lajmi i fundit

John

Opozita e re tjetër draft për ndryshimet në Kodin Zgjedhor! Valteri: Prag elektoral 1% dhe jo 3!