Kryeministri Edi Rama inspektoi punimet në Aeroportin e Vlorës, ku sipas ndërtuesve, aeroporti i parë ndërkombëtar në jug të vendit pritet të përfundojë në fund të 2024, ndërsa gati për operim do të jetë në mars të 2025.
Nga inspektimi i punimeve në Aeroportin e Vlorës, qeveria dha lajmin e ndërtimit të një akademie që do të trajnojë të gjithë punonjësit e fushës së aviacionit.
“Sot i kemi mbyllur pjesën e akademike e kontrollorëve të trafikut ajror, që janë në pjesën e mbushjes së orëve të trajnimit. Gjatë dimrit më e vështirë, por gjatë verës do realizohen pak më shpejt. Në fund të verës 2024 do jenë të certifikuar dhe gati për operim. Dy sektorë të rinj do ketë ky aeroport, mirëmbajtja e avionëve, brenda javës tjetër një konsultim të ri të konsorciumin, një prej më të mëdhenjve në Itali. Ata dhe duan hapësira për të ushtruar veprimtarinë e tyre. Po ashtu dhe akademia, që pritet të nisi punë. Ajo do të fillojë në shtator 2024 maksimumi. Ka shumë mundësi që akademia të nisi në Vlorë”, njoftoi qeveria.
![]()
Në këtë aeroport po punohet në disa fronte, tek pista, po ashtu ngritja e terminalit prej 20 mijë metrash katrorë, kullës së operimit, godinës së zjarrfikësve, hangarëve, ndërtimi i rrugëve lidhëse dhe krejt infrastruktura e fushës aeroportuale.
‘Ky aeroport do të ketë edhe një inovacion, të cilin e kemi thënë disa herë por tani fillon dhe bëhet i dukshëm. I gjithë aeroporti do të jetë i mbuluar me panele diellore, të cilat janë marrë masat dhe janë studiuar nga aviacioni civili, nga Autoriteti i Aviacionit Civil që të mos krijojnë problematika gjatë uljes dhe ngritjes së avionëve me reflektimin e tyre dhe këtu do të prodhohet rreth 5.2 megawat energji e rinovueshme që do jetë kryesisht për nevojat e aeroportit.
Në vitin e kam parë ne do të kemi më shumë se 1 milionë pasagjerë, vetëm në Vlorë dhe i referohemi periudhës nga marsi 2025 dhe në vazhdim dhe jo një vit i plotë pothuajse. Kështu që, parashikimet janë shumë optimiste. Jemi të sigurtë që as nuk do të aktivizohen garancitë koncensionare të cilat janë parashikuar në kontratë.’- nënvizon qeveria.
Aeroporti Ndërkombëtar i Vlorës (VIA) do të funksionojë me mbi 3 modele biznesi: aviacion civil, mirëmbajtje e avionëve, një kargo e mirëfilltë, e cila i mungon shtetit shqiptar.
Aeroporti i Vlorës, një investim mbi 100 milionë Euro, pritet që të hapë 1 mijë vende pune të reja, do të ulë çmimet e biletave dhe do ta kthejë Vlorën në portën më të rëndësishme turistike të rajonit.
Më 20 prill 2021 u nënshkrua kontrata me kompaninë fituese për ndërtimin e aeroportit të Vlorës dhe do të jetë i treti aeroport në vend ku fluturimet do të jenë transoqeanike.
Ndërkohë në projektbuxhetin për vitin 2024 planifikohen 51 milionë lekë për ndërtimin e rrugës lidhëse Aeroporti Ndërkombëtar të Vlorës (VIA) – autostrada Fier-Vlorë.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Akademia e aviacionit-lajm i mire! Po jepen shenjat e para qe po fillojme te dalim nga /Dark ages/ e tranzicionit.
PërgjigjuPrish njeher shkollen e marines beni pallate se kot nuk e keni lene ne degradim me fekale dhe plehra paastaj bej akademin e aviacionit
PërgjigjuAkademia/ Shkolla e aviacionit në Vlorë ka qenë, s'është ndonjë risi. E prishi makuteria e grabitjes së pronës ushtarake dhe mendjes së "s'ka ç'na duhet se s'kemi me aeroplanë". Tani karma. Na u duherkeshka prap por me hapsirë tjetër.
PërgjigjuPo Kukesit si I vajti filli?
Përgjigju