TIRANE - Elona Kuburja, 15-vjeçarja shqiptare nga Fushë-Kruja ka mbërritur tashmë në Turqi, ku do të nisë kurimin për sëmundjen e rëndë që e ka prekur prej lindjes, dhe që tashmë është përkeqësuar. Lajmin e dha kryeministri Edi Rama i cili shkruan në Facebook se qeveria ka asistuar që ajo të kurohet në një spital publik të specializuar në Stamboll, duke qenë se në Shqipëri mjekësia nuk mund të bëjë më shumë për shëndetin e saj.
Edhe pse familja mundësoi që vajza të shkojë sot në Turqi pas një jave e shtruar në QSUT, me shpenzimet e tyre për ta cuar në spital privat, kryeministri thotë se deri në marrjen e përgjigjes nga spitali publik në Stamboll nëse mund ta marrin përsipër rastin e Elonës, qeveria do të marrë përsipër shpenzimet për kurimin e vajzës, edhe nëse ndodh ndërhyrja në privat.
"Duke qenë se jo pak prej jush, interesoheni për Elonën, vajzën 15-vjeçare që po lufton me një sëmundje shumë të rrallë e të rrezikshme, ju bëj me dije se e kemi asistuar me përkushtim të plotë dhe kemi ndjekur me shumë përparësi procedurën, për kurimin e saj në një spital publik të specializuar në Turqi. Sidoqoftë ajo para pak ka mbërritur në një spital privat në Stamboll dhe në çdo rast, të gjitha shpenzimet për kurimin e saj, do t’i mbulojë Qeveria Shqiptare. Uroj megjithë zemër që vogëlushja të kthehet shëndosh e mirë në Shqipëri", shkruan Rama.
Familja e Elona Kubures bëri apel përmes mikrofonit të Report TV, që shqiptarët dhe shteti t'i ndihmojnë pasi shpenzimet për kurimin shkojnë në të paktën 30 mijë euro, që për ta janë të papërballueshme. Me ndihmën e të afërmve ata kanë mundur të mbledhin vetëm 15 mijë euro, vlerë që shkoi për udhëtimin nga Tiranë me avion për në Stamboll në kushtet e përshtatshme për vajzën e sëmurë.
Në momentin kur mjekësia shqiptare dorëzohet përballë kurimit të një sëmundje, Ministria e Shëndetësisë ka marrëveshje me Turqinë, për trajtimin e këtyre rasteve në spitale publike në Stamboll. Por në rastin e Elonës, ministria sqaroi më herët për Shqiptarja.com se ende pritet përgjigje nga mjekët atje, për të mësuar nëse kurimi i sëmundjes së 15-vjeçares mund të bëhet prej tyre. Është rast i komplikuar mësohet të jenë shprehur mjekët në Stamboll.
Lajme të tjera
-
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Mourinho telefonon Ronaldon, e fton të rikthehet në Evropë! Gati klubi i ri
22 Nëntor, 16:08 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58
