Analisti Kreshnik Spahiu duke komentuar figurat në listat e PS-së dhe PD-së, tha se në rastin e PS-së kemi një listë lufte.

Spahiu tha se opozita luan akoma me Sali Berishën, ndërkohë që socialistët janë koshientë që përqindja më e madhe e publikut nuk do njerëz ricikluar

‘Njëherë themi pse nuk rinovohet një parti, sikur kjo opozitë të humbi dhe këtë herë, kush është karta e fortë e qeverisë, ajo thotë unë kam forcë të ndryshoj kurse opozita luan me Sali Berishën, ata janë koshientë që përqindja më e madhe e publikut nuk do njerëz ricikluar, votojnë më shumë Agronin dhe zonjat se ata që 30 vjet ja kanë marrë shpirtin.

Ku ndryshon lista fituese me atë humbëse, ata që ndihen fitues e kanë veten në fund, si Xhafaj, Balla, Ruçi, Rama u ka thënë ose më sillni mandatin e tretë ose qërohuni, Rama ka bërë një listë lufte.’- tha Spahiu në Open.

Pak ditë më parë dy partitë më të mëdha dorëzuan pak pas mesnate listat e kandidatëve të tyre për deputetë në zgjedhjet e 25 Prillit.

Si socialistët ashtu dhe demokratët kanë bërë ndryshime të forta krahasuar me emrat e 4 viteve më parë, por ajo që i dallonte ishte pikërisht nga qasja në rreshtimin e kandidatëve në atë që quhet zona e sigurt.

Ndërsa demokratët ju përmbajtën përgjithësisht një rreshtimi që ka për bazë fuqinë elektorale të secilit kandidat, socialistët zgjodhën të kundërtën, duke vënë në pjesën fundore të pjesës së sigurt emrat e drejtuesve politikë të qarqeve.