Rama: Metën do e shkarkojmë me këtë parlament, ka marrë dënimin spektakolar nga populli sovran i Shqipërisë! S'kam vija të kuqe për bashkëpunimin me PD

Kryeministri Edi Rama ka bërë me dije se nuk do të ketë asnjë bashkëpunim me PSD, partinë e Tom Doshit, që surprizoi në zgjedhjet e 25 prillit, duke marrë 3 mandate. Rama theksoi disa herë se do të bashkëpunonte me PD, në në bashkëpunim "pa vijë të kuqe", por tha i prerë se PSD nuk do të hyjë në qeveri me të.

"PSD nuk do jetë në qeveri me ne. Me PD dua të bëj një sforco shumë të madhe personale të partisë sonë për të shkuar përtej pandemisë politike se na ka degjeneruar si njerëz në sytë e njerëzve. Ja kemi këtë detyrim njerëzve dhe Shqipëria sot ka një oportunitet fantastik me gjithë ato investime që kemi përpara dhe nëse kanalizojmë një pjesë të madhe të energjive që i kanalizojmë çdo ditë në mënyrë negative, do bënim shumë për Sipërinë. Unë jam i gatshëm të ulem në tryezë me këdo, nëse është Lulzim Basha ok, por e kam me PD. PD meriton një shans të ri, Shqipëria meriton një shans të ri. Nuk kam kufi në termat e bashkëpunimit", tha Rama.

Sipas tij, PD nuk u ndëshkua në zgjedhje dhe se arritën maksimumin që mund të arrinin.

"PD nuk është ndëshkuar, ka bërë një sforco. E di që për mua nuk është e lehtë si karakter që të kafshoj gjuhën kur më vijnë batutat apo sarkazmat, kanë arritur për mua maksimumin që mund të arrinte. Nuk mund të shkonte më tutje dhe PD krahasuar me më parë, që e kemi të qartë që do rritet dhe LSI do të bjerë, por rezultati i tyre është rezultat që nëse nuk do të ishte Basha do ishte afirmativ për lidershipin", u shpreh ai.

Kryeministri Edi Rama ka surprizuar të gjithë duke thënë se nuk e di se sa vota ka marrë në Durrës apo Vlorë.

"Nuk dua të zë be, por nuk e di rezultatin tim me shifra në Durrës dhe Vlorë, as nuk kam pyetur as nuk e di", tha Rama.

Ndërkohë, ai ka thënë se është ndjerë keq që një figurë si Pandeli Majko mbeti jashtë parlamentit, por tha se kjo ka ardhur si pasojë e numrit të madh të votave të pavlefshme.

Më ka ardhur shumë keq dhe kjo është keqardhja e madhe e votave të pavlefshme se nëse nuk do kishin gabuar me preferencën ne do i kishim marrë 19 mandate 100%

Kryeministri Edi Rama ka bërë me dije se vullneti i tij për bashkëpunim i drejtohet vetëm PD-së dhe është i gatshëm për një bashkëpunim pa limit dhe pa vija të kuqe.

" Nuk kam asnjë kufi për bashkëpunimin me PD, fare s'kam asnjë vija të kuqe. Vetëm me PD, jo me opozitën. Nuk është "Duam këto". Vendosëm një frymë dhe më pas hajde ulemi dhe ndërtojmë parimet", tha ai.

Ai ka përjashtuar këtu kategorikisht jashtë këtij bashkëpunimi Metën, duke thënë se është dënuar nga populli dhe ndëshkimin do ia japë parlementi aktual.

Meta është jashtë çdolloj konfiguracioni dhe me Ilir Metën do të merret parlamenti i Shqipërisë. Sepse Ilir Metën populli e dënoi dhe, parlamenti i Shqipërisë do ta formalizojë dënimin. Ky parlament ekzistues. Ky më ky, direkte. Është i dënuar nga populli shqiptar… Ky është parlamenti i Shqipërisë, është aktual. Biles atëherë kur u bë ky diskutimi u thashë përse e lini këtë tranzicionin kaq gjatë. Bëhen zgjedhjet në Prill, formohet qeveria e re në fund Shtatori. Ky parlament vetëm do formalizojë. Ilir Meta është dënuar nga populli sovran i Shqipërisë në mënyrë më spektakolare. Kërkoi një referndum dhe ka marrë PD… ", tha Rama.

Kjo është hera e dytë që mazhoranca do të nisë procedurat për shkarkimin e Ilir Metës nga posti i presidentit. Herën e parë, gjithçka nisi për shkak të çdekretimit të zgjedhjeve lokale të 30 qershorit 2019. Sot, kjo procedurë ka nisur pas luftës që Meta hapi ndaj SHBA-së dhe ambasadores Yuri Kim, si edhe daljes së tij totalisht nga roli i kreut të shtetit dhe përfshirjes së tij në fushatë në shkelje të Kushtetutës, asaj që Meta përbetohet se po e mbron me gjak dhe dinjitet.

Kryeministri Edi Rama ka kërkuar ndjesë për shkeljen e masave anti-COVID në mitingun e fitores. Ai tha se kjo ishte një faj i organizatorëve, e megjithatë kërkoi ndjesë publike.

"E pranoj që ajo që ndodhi ne në këtë aspekt ishte shkelje e pajustifikueshme për ne dhe për këtë çështje unë kam bërë edhe një komunikmim me organizatorët, se nuk e kuptova pse nuk ishte me karrige dhe distancë, dhe në ato kushte nuk kishte që të ikja se mund ta bëja dhe këtë, në këtë rast ne kemi bërë gabim dhe është kundër rregullave. Jam habitur, se më thanë se formati do jetë si herët e tjera, me karrige, por pastaj pashë që nuk ishin vënë karrige, kërkoj ndjesë publike për këtë që ka ndodhur", tha Rama.

Megjithatë, kryeministri tha se nuk dinte nëse për këtë grumbullim, PS kishte marrë gjobë nga policia. 

Kryeministri Edi Rama për të vërtetuar që pushteti nuk ka ndërhyrë në votën e  qytetarëve ka sjellë shembullin në burgje, ku fituese është opozita.

"Është hera e parë në vendin tonë që opozita fiton në burgje të caktuara, ose në të gjitha burgjet ka rezultat normal. Deri në 2017 kur burgjet administroheshin nga LSI, rezultatet janë me zero. Dhe kur në burgje nuk është përdorur fuqia e pushtetit imagjino sa mund të jetë përdorur jashtë”, tha Rama.

Rama ka bërë me dije se PS-ja do të merrte në këtë zgjedhje deri në 77 mandate, ose 800 mijë vota, që ka qenë edhe objektivi maksimal i socialistëve në këto zgjedhje. Ai tha se kjo nuk është arritur pasi ka pasur shumë vota të pavlefshme, duke marrë shembullin në Elbasan, ku tha se shumë qytetarë kanë votuar gabimisht. Në total në këto zgjedhje janë shpallur 83028 vota të pavlefshme, nga të cilat rreth 45 mijë i takojnë PS-së.  Nga këto PS ka marrë 768250 vota në rang kombëtar, ose 74 mandate.

"Janë votuar 12 dhe për votën e kandidatin, në Elbasan ka vota të pavlefshme që votonin 12 dhe 8, që është numri i Taulantit. Në kemi kaluar objektivin tonë për të thyer tavanin e 800 mijëve, ne kemi 3 mandate të humbura", tha Rama në një intervistë televizive.

Rama është bërë gati për një mandat të 4-t, duke thënë se socialistët do të rriten dhe do të marrin 850 mijë vota.

“Që nga viti 2005 vetëm po rritemi, në 2009 humbëm për shkak të formulës së koalicionit. Në zgjedhjet e tjera, PS do të jetë mbi 850 mijë vota. Nuk e vendo unë sa do marr, janë objektiva bazuar në analiza. Është shkencë kjo", tha ai.