Rama konfirmon: Jessie J
më 29 Nëntor këndon në Tiranë

Kryeministri Edi Rama ka konfirmuar ardhjen e këngëtares së njohur britanike Jessie J, në koncertin për 70-vjetorin e festës së çlirimit.

Nëpërmjet një fotoje në profilin e tij në Facebook ai ka paralajmëruar gjithashtu festimet që priten të zhvillohen për datën 29 Nëntor që përveç festës së Çlirimit është kthyer në traditë edhe festimi i Natës së Bardhë.

"Nata e bardhë e Çlirimit më magjike se asnjëherë në 29 Nëntorin e Shtatëdhjetë Vjetorit", -ka shkruar Kryeministri Rama në postimin e tij.

Ka qenë vetë këngëtarja britanike Jessi J e cila disa ditë më parë ka publikuar në profilin e saj zyrtar në Facebook se do të perfomonte në datën 29 Nëntor në Tiranë me rastin e festës së 70-vjetori të Çlirimit.



Redaksia Online
(xh.k/shqiptarja.com)