"Po e çon Kosovën asgjëkundi, po e kthen vendin në një problem të aleatëve", janë këto kritikat e ashpra që kryeministri Edi Rama i ka drejtuar kryeministrit të Kosovës, Albin Kurtit. Në një intervistë, Rama i bëri komentet në lidhje me deklaratat e Kurtit për 'Ballkanin e Hapur", që e cilësoi nismë pa vizion, pas takimit të zhvilluar në Beograd.
"Strategjia e ndjekur deri më tani, nuk e çon Kosovën asgjëkund. Nuk dua të hy në polemika me Albin Kurtin, por e ka kthyer Kosovën nga një partner i besueshëm dhe i dëshiruar i aleatëve të shqiptarëve, në një problem të tyre dhe kjo nuk është pozitive. Kosova është rezultat i një lufte të mbështetur nga miqtë e shqiptarëve dhe nuk është në pozicion të marrë rrugë të reja pa u konsultuar me askënd he që askush nuk i mbështet. ne nuk kemi fuqi të marrim vendime për të mëdhenjtë e kësaj bote, por kemi fuqi të marrim vendime mbi veten dhe kemi të tjerë me të cilët duhet të konsultohemi dhe këta janë aleatët tanë strategjikë. Gjithkush është në të drejtën e tij të përdorë fuqinë që i ka dhënë populli siç e mendon, por nuk besoj se duhet përdorur për të hyrë në rrugë që të lënë vetëm", tha Rama.
Ai foli edhe bisedat me President Vuçiç lidhur me aderimin e Kosovës në nismën ‘Ballkani i Hapur’, ku tha se ka marrë dakordësinë që nëse Kosova vendos t'i bashkohet, do të ketë të drejta të barabarta. Ai theksoi se për herë të parë, në takimin në Beograd, Vuçiç i bëri ftesë Kosovës për t'ju bashkuar nismës, duke theksuar se ata nuk përbëjnë pengesë për këtë.
"Vuçiç për herë të parë nënvizoi atë që Kosova është e ftuar dhe mirëpritur të ulet në tryezë dhe në këtë aspekt nisma është e qartë që në krye t herës. Nsima ishte gati për të filluar edhe më parë, por unë asnjëherë nuk kam rënë dakord të fillojë pa marrë dakordësinë nga Presidenti i Serbisë së është nismë gjithëpërfshirëse dhe Kosova do ulet në tryezë me të drejta të barabarta dhe askush nuk mund t'i imponojë askujt asgjë", theksoi kryeministri.
Kryeministri Edi Rama, Presidenti serb Aleksandër Vuçiç dhe zv.kryeministri i Maqedonisë së Veriut, Nikolla Dimitrov u takuan më 4 nëntor në Beograd për samitin e radhës të "Ballkanit të Hapur". Tre liderët konfirmuan premtimin e pas një viti e gjysmë, nuk do ketë më asnjë pengesë në kufi për qytetarët e të tre vendeve. Ata theksuan se "Open Balkan" është një lëvizje që ka vetëm një qëllim, përmirësimin e jetës për qytetarët. Ndërkohë, ndonëse nuk ka një datë ekzakte, samiti i radhës pritet të mbahet në Tiranë, ku do të bëhen publike bilancet e arritjeve të deritanishme dhe do të nënshkruhet edhe memorandumi i lejeve të punës.
Komente
Lajme të tjera
-
Kimete Berisha: Gruaja misterioze!
27 Nëntor, 11:41
-
Autobiografia e Merkel: Vetëm anëtarësimi në BE sjell paqe në Ballkan
27 Nëntor, 08:33 -
Pasivizimi i adresave në Luginë drejt Gjykatës së Strasburgut
26 Nëntor, 17:19 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin
26 Nëntor, 10:29 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
E keni njohur Kosovën! Nervozohet Vuçiç: Nuk është thënë kurrë, nuk dua 'Serbinë e Madhe'
25 Nëntor, 21:18 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Synon anëtarësimin në BE, Serbia dështon në hapjen e kapitujve
25 Nëntor, 16:45 -
Synon anëtarësimin në BE, Serbia dështon në hapjen e kapitujve
25 Nëntor, 16:43
Ore cke me Kurtin, ti sje problem per aleatet sepse cdo gje po e ben perfekt… apo je bere zedhendes i Beogradit. Kurti ka te drejte te beje cti thote tr.. dhe ska pse te pyes fare se ca mendon ti o Legjendar i politikave moderne.
PërgjigjuSi ore cka, po i soset uji gamiles. Ja cka. Deri dje, faktori amerikan kishte ne dore Zaevin, tani i iku. Pra sikur po kthehet peshorja nga Evropi, pra Berlini. Pra nga nje ane kemi Malin e Zi, Kosoven, Bosnjen, tashme edhe Maqedhonine, dhe ana tjeter Serbi dhe Shqiperi. E kupton oooo? Meqe Maqedonia vate, prape Kosova eshte hallka me e dobet, patur parasysh lokalet. Qe nenkupton se shoku Rama me jamerikanin mbrapa, do tja ktheje edhe njehere themelin Albinit. Se sa do mbahet ne kembe Bikja e sa do e mbeshtese gjermani, mbete te shikohet.
O AltinTop, nese arrin ta kuptosh, Rama nuk po i impnohet fare Kurtit. Ai thjeshte shprehu nje opinion ne lidhje me pyetjen qe i kane bere. Por fatkeqesisht Rama ketu ka te drejte kur thote qe Kurti Po ndjek nje politike jo te rehatshme per aleatet. Dhe pertej aleateve, ai nuk po di te luaj mire ne kete skakiere shahu. Kurti dhe kudo qe ka banore shqiptare duhet te behen pjese e kesaj nisme vetem per nje fakt te vetem. Qe kur te jene funksionale te gjitha vendimet e kesaj nisme ne kete hapesire te shikohet se sa shume shqiptare jane ne Ballkan. Dhe duke u bashkuar ne kete nisme, ne jemi me te medhenj ne popullsi dhe sigurisht do jete ne te miren tone. Por duke ndenjur Kosova jashte, e duke ndenjur dhe Mali i Zi, ne pakesohemi dhe si rrjedhoje fiton Serbia. Kurti ka shansin me te mire qe duke marre pjese ne nje fare menyre dhe Serbia detyrohet ta njohe si shtet, sepse do firmosen marreveshje. Dhe marreveshjet do jene te shkruara ne dokumenta shteteror me vula shteterore. Dhe pastaj ia lente topin Serbise. Keshtu si sillet Kurti Po e nxjerr Serbine ne pozicionin me te favorshem. Sepse thote Vucic, Ja une Po marr pjese, jam bashkepunues, eshte Kosova qe nuk bashkepunon. Eshte Kurti qe nuk degjon as aleatet.