Kongresi i PS-së në 29 shkurt! Rama: Rindërtimi 'prioritet i proriteteve'! PD duhet të ishte në parlament, por reformat shkojnë përpara

Kryeministri Edi Rama deklaroi se në mbledhjen e sotme të qeverisë do të merret vendimi lidhur me amnistinë për gratë e burgosura si dhe shpërblimet e pensionistëve. Ai tha se duhet të matemi mirë lidhur me vendimin për dhënien e shpërblimeve pasi situata nuk është normale dhe dëmet janë të mëdha.

"Sot në mbledhjen e qeverisë kemi këtë vendim për të marrë dhe besoj se përfitueset kryesore do jenë gratë. Sot diskutojmë edhe për shpërblimet e pensionistëve. Situata nuk është normale. Duhet të matemi mirë sepse dëmet janë të mëdha dhe nuk e dimë sa do arrijmë të marrim mbështetje financiare. Jemi pak në këtë fazë kur nuk duhet të cenojmë prioritete.

Në muajin shkurt do shohim kontributin e partnerëve, për të parë se çfarë do bëjmë më vonë. Unë doja një amnisti totale për gratë. Është një debat i madh për gratë që kanë vrarë burrat. Është një debat përtej qëllimit të mirë. Vrasjen e burrave nuk e shohin si një krim që amnistohet me një të rënë të lapsit. Unë nuk i kisha hyrë më thellë në këtë aspekt. Amnistia do të jetë për gratë", tha Rama.

Kreu i qeverisë Edi Rama tha se të gjitha në zgjedhjet e ardhshme do të kemi komisionerë të depolitizuar, dhe kjo do të votohet sipas rekomandimeve të OSBE-së, edhe nëse PD nuk merr pjesë.

"Të gjitha idetë respektive të çdo force politike janë legjitime por ajo që është e sigurt, është implementim i rekomandimeve të OSBE. Ne këtu nuk kemi çfarë diskutojmë. Kemi qenë të hapur për çdo palë, por në zgjedhjet e e ardhshme do kemi komisione zgjedhore të depolitizuara. Votat do t'i besohen njerëzve që nuk kanë asnjë lloj zelli në raport me partitë e tyre për të zgjedhur ligji", tha Rama.

Kreu i qeverisë Edi Rama deklaroi se Kuvendi nuk ka vakum sepse procesi legjislativ po ecën ndërsa reformat po çohen përpara. Rama tha se brenda 2020 të gjitha shërbimet do të ofrohen online, ndërsa e quajti procesin e rindërtimit të banesave prioritetin e prioriteteve.

"Unë mendoj që Kuvendi nuk ka vakum sepse kuvendi funksionon, procesi legjislativ ecën. Reformat po i çojmë përpara. Do ketë një impakt në nevojë për të përfunduar titullin e pronësisë në fshat qoftë në aspektin e shërbimeve. Në janar qytetarët nuk do shkojnë nëpër sportele të presin. Brenda 2020 të gjitha shërbimet do të ofrohen online. Nuk do ketë më nevojë të shkojë në 17 dyer. Edhe në aspektin e sezonit turistik kemi ndërmarrë nismën për të bërë një riformatim. Do hapet kantieri i madhe i kampusit universitar të pakrahasueshëm. Aspekti i rindërtimit është prioriteti i prioriteteve. Njerëzit do kthehen në shtëpi më të mira dhe nuk besoj se në kushte të tjera do bëhej më mirë se kaq. Do ishte mirë që PD të ishte në parlament, por ka marrë vendimin e vetë të ikë duke dëmtuar rëndë PD, nuk e ka bërë më të mirë jetën politike të vendit, por gjërat funksionojnë edhe pse mund të funksiononin më mirë. Jemi të gatshëm të ulemi në tryezë të mbajmë shënime. Ne jemi të zgjedhur për të udhëhequr, nuk presim sa të zgjohen nga gjumi", u shpreh Rama.

Kryeministri Edi Rama deklaroi se nuk ka asnjë komunikim për presidentin Ilir Meta lidhur me caktimin e një datë zgjedhjesh të pjesshme për Shkodrën, Vaun e Dejës dhe Vorës, kur këto dy të fundit kanë mbetur pa drejtues, ndërsa e para është ende në drejtimin e kryebashkiakes në ikje Voltana Ademi.

"Kudo procesi ecën sipas normave, sigurisht diku më shpejt, diku më mirë. Por në përgjithësi ky proces na ka dhënë një energji të re dhe një ripërtëritje të domosdoshme. Zgjedhjet duket sikur janë nesër.Nuk kemi asnjë komunikim me presidentin situata post-zgjedhore karakterizohet me një inerci që lidhjet me historinë e dekreteve dhe zhdekreteve. Për sa i përket Shkodrës nuk ka një vendim. Ajo është në situatën më të rëndë sepse ka një kryetare që nuk është kryetare, por nuk është në dorën tonë. Thjesht presim të marrim një zgjidhje", tha Rama.

Kryeministri Edi Rama ka deklaruar jashtë dyerve të selisë rozë se në procesin e drejtimit të organizatave të PS-së do të përdoret formula një burrë, një grua për të vënë në zbatim parimin e barazisë gjinore.

"Prej disa muajsh jemi në proces organizimi dhe ripërtëritje për zgjedhjet e ardhshme. Pasi kemi zgjedhur kryetarët e organizatave pasi kemi përfshirë në procesin e zgjedhjeve edhe gratë duke zbatuar një normë të re të drejtimit ku drejtimi i organizatave i besohet një burri ose djali dhe një vajze. Janë marrë propozimet nga të gjitha asambletë për të vazhduar pastaj zgjedhjet e kryetarëve të partisë në 6 bashkitë", tha Rama.

Kryeministri Edi Rama ka mbërritur në selinë rozë, ku ka thirrur në mbledhje kryesinë e partisë socialiste. Në fokus të disktutimeve pritet të jetë situata brenda PS-së.