Rama me biznesin e vogël: Mjaft gënjyet me bilancet, bëhuni aleatë të qeverisë!

Kryeministri Edi Rama ka zhvilluar një takim me përfaqësues të biznesit, të cilëve iu ka kërkuar që t’i japin fund mashtrimit me bilancet e dyfishta, dhe nga gënjeshtarë të kthehen në aleatë të qeverisë.

“Problemi juaj nuk është TVSH-ja, problemi juaj është tavani 8 milionë, se duke e kapërcyer atë, ju ktheheni në subjekt që pastaj është i detyruar të paguajë taksë nga 5-15% dhe kjo bën që shumë prej jush gënjejnë, e thonë vetë, gënjejnë me bilancet dhe për të mbajtur kokën nën tavan ndërkohë që xhiron e kanë më të lartë se 8 milionë jetojnë në stresin e vazhdueshëm të hartimit të bilanceve të rreme”.

Në bashkëbisedim me biznesmenët, Rama tha se qeveria që ai drejton nuk ka rritur taksa, por vetëm i ka ulur ato.

LEXO EDHE:
Durrës/ Brenda vitit hapet parkimi me energji të vetëprodhuar nga dielli, 400 vende! Godina do ketë zyra e hapësira për evente

“Erdha këtu për tu dhënë fund gënjeshtrave. Më tregoni, çfarë takse ju është rritur. Asnjë. Qeveria ime vetëm ka ulur taksa”.

Rama ka shpjeguar se përfshirja në TVSH e çdo biznesi mbi 2 mln lekë xhiro në vit nuk sjell asnjë efekt negativ mbi të vegjlit, por sipas tij mbyll kanalet e evazionit të të mëdhenjve.

TAG:
• edi rama
• taksat

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.1%

• Jo

  72.2%

• Nuk e di

  8.7%

Vota total: 2317

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di