Rama: Në 7 vite rikthyen të drejtën e protestës, policia nuk është përdoru kurrë politikisht edhe kur përballë saj kanë qenë huliganë

Kryeministri Rama tha se në këto 7 vite qeverisje shqiptarëve i është rikthyer e drejta për të protestuar, një e drejtë që sipas tij nuk ekzistonte në kohën kur qeveriste PD. Rama përmendi protestën për refuzimin e armëve kimike dhe atë të studentëve, ku kryeministri Rama tha në ato protesta nuk u thye asnjë xham dhe nuk u dogj asnjë fije bari dhe folën qytetarët dhe qeveria dëgjoi.

"Jam krenar që në këto 7 vite protesta ka rifituar të drejtën e saj. 7 vite më parë u zhvillua protesta më e madhe dhe qytetare, ajo e refuzimit të armëve kimike, që nuk kishte asnjë lidhje me ketë protestë rrugaçërie. Në atë protestë foli populli dhe dëgjoi qeveria. Po ashtu protesta e studentëve dy vite më parë, asnjë xham nuk u thyer dhe asnjë fije bari nuk u dogj dhe fituan studentë dhe dëgjoi qeveria. Policia e shtetit në asnjë rast nuk i ka shërbyer shtetit po ligjit dhe qytetarëve,  ne kurrë nuk e kemi përdorur politikisht policinë. As kur përballë policisë nuk kanë qenë qytetarët por militantë dhe dora e huliganëve.  Sot jemi krenar për policinë, efektivi që shtiu  kundër Klodjanit është vetëm një rast tragjik, jo kërcënim për jetën dhe të drejtat e qytetarëve", tha Rama.

Lajmi kryesor:

Vrasja e Klodjanit/ Rama: Sandër Lleshaj dha dorëheqjen! Akti i efektivit, i papranueshëm por nuk përfaqëson gjithë policinë! Meta dhe Basha janë të fundit që mund të flasin (VIDEO)

TAG:
• edi rama
• Sander Lleshaj
• vrasja e klodjan rashes