Rama shpërndan tapitë: Himara s'mund të bëhet shesh për përshesh! Tavo, Vangjel për punë, Dule për sherr

Himare- Në Bashkinë e Himarës sot përmbushet një e treta e procesit dhe regjistrimi përfundimtar i shtëpive të trashëguara. Kryeministri Edi Rama në shpërndarjen e certifikatave u ndal tek ata që duan të ndajnë Himarën mes Tiranës e Athinës.

"Fytyra e Vangjel Dules. C’punë ka Dule në Himarë vec një qytetar i Republikës së Shqipërisë dhe me çfarë të drejte i jep gojës për të nxitur përcarje e folur absurditete e marrëzira që nuk kanë lidhje fare me jetën e përditshme të himariotëve, shqiptarëve apo grekëve. Ato kanë lidhje vetëm me synimet e disa njerëzve të vegjël që kanë interesa përcarjeje që nuk i përkasin këtij shekulli por vijnë nga territore më të zymta të historisë. Është mirë që të gjithë ta fusin në kokë këtë. Himara nuk është për tu cuar andej apo këtej, apo për tu marrë këtu apo aty, por është për të qëndruar këtu. Nuk mund të bëhet shesh për përshesh”

Rama vlerësoi rolin e prefektit Vangjel Tavo në këtë proces.  

"Doni Vangjel për punë ja ku e keni,(Vangjel Tavon) doni Vangjel për sherr, prisnin një Vangjel me vetulla të rënda që t;jua sjellë sherrin"
 

Investimet në infrastrukturë thotë Rama, kanë rritur vlerën e pronave dhe numrin e turistëve.

Ju e dini shumë mirë që deri përpara pak vitesh që të vijë këtu ishte mund i madh. Unë kam ardhur sot për dy orë, fiks dy orë, në 8:03 minuta jam nisur nga shtëpia në Tiranë, në 10:03 minuta kam qenë këtu afër. Është gjithë kjo infrastrukturë që është ndërtuar dhe infrastruktura nuk ndërtohet për njërin e për tjetrin e për tjetrin siç thonë disa, por ndërtimi i kësaj infrastrukture ka sjell që çmimi në të gjithë zonën të shkojë duke u rritur deri në pikën që ju e dini dhe këtë më mirë se unë, pjesë të caktuara të kësaj zone e kanë sot çmimin më të lartë se në Korfuz.

Rama iu përgjigj edhe akuzave se tokat e jugut po u jepen oligarkëve, ndërsa u dha edhe një këshillë banorëve të Vlorës.

"Të thuash që këtu është bërë një politikë për të shpronësuar himarjotët edhe gjithë banorët autoktonë në funksion “të oligarkëve” se oligarkë në Shqipëri nuk ka, fjala oligark mes sipërmarrësit e mëdhenj shqiptar nuk lidhen të dyja bashkë, është një fjalë e hedhur në erë dhe si të gjitha fjalët e mëdha dhe si të gjitha gënjeshtrat e mëdha që janë ato që thithen dhe besohen më shpejtë dhe kjo ka zënë vendin e vet. Por ta thuash këtë do të thotë të thuash një gënjeshtër shumë të madhe, shumë-shumë të madhe. Sa ç‘është investuar nga Llogaraja deri në Sarande për njerëzit këtu, për fshatrat këtu, për bregdetin këtu, për të ndryshuar faqen e një zone që kur vija në Himarë përpara sikur vija në Bathore, por jo Bathorja sot, Bathorja e dikurshme, me det, nuk është bërë në të gjitha kohërat përpara kësaj periudhe që ne qeverisim, me fakte!' tha Rama.

Në fund, ai u ndal edhe tek rastet e korrupsionit në administratë, duke thënë se secili duhet të mbajë përgjegjësinë e vet dhe duhet të japë llogari.

Në Dhërmi vazhdon me 789 tituj të tjerë pronësie procesi i përmbylljes së hipotekimit të shtëpive të trashëguara.

.

Rendit zhvillimet sipas orarit:

Të Fundit Të Parat

S.G/Shqiptarja.com

TAG:
• himare