Rama në kantierin e Kampusit të Universitetit Bujqësor pas tërmetit: 8 godina të reja për 2200 studentë! E gjithë Shqipëria një kantier ndërtimi (VIDEO)

Kryeministri Edi Rama, i shoqëruar nga kreu i Bashkisë së Tiranës, Erion Veliaj dhe Ministri për Rindërtimin, Arben Ahmetaj ishte sot i pranishëm në Kamëz, nga ku pa nga afër punimet në kantierin e Kampusit të Universitetit Bujqësor, pas tërmetit.

Rama tha se po ndërtohen 8 godina të reja për 2200 studentë, të cilët do të jetojnë në kushte optimale si në konviktet më cilësore në Europë.

Sipas Ramës, e gjithë Shqipëria është kthyer në një kantier ndërtimi, me projektet që vijojnë.

"Ky kantier është si Shqipëria sot dhe ne duam që të përfundojë dhe pyetja në 25 prill është: Do vazhdojmë ta çojmë deri ën fund, apo do ndalemi dhe do kthehemi mbrapa? Ky nuk është një kantier ku sot mund të vijnë të gjithë e të banojnë të lumtur, por është një kantier që preket qartësisht që e ardhmja është këtu dhe e ardhmja po ndërtohet këtu", tha Rama.

 

Lajmi kryesor:

'S'e mora kot të majtën të bardhë e të djathtën të zezë', Rama mesazh me atletet: Sfida ime të bashkojmë forcat kundër atyre që duan të na përçajnë

TAG:
• edi rama
• Tirane
• PS
• Fushate elektorale
• zgjedhjet parlamentare 2021