POP 5

Lajmet më të lexuara të 5 minutave të fundit

Politikë

Mbledhja e dy qeverive, Rama nënshkruan marrëveshjet me Markoviç

Pas mbledhjes së përbashkët të dy qeverive në Shkodër, kryeministrat Edi Rama dhe Dushko Markoviç kanë nënshkruar disa marrëveshje me interes të ndërsjellë për të dy vendet.

Shqipëria dhe Mali i Zi kanë firmosur disa marrëveshje të rëndësishme bashkëpunimi. Qeveritë e dy vendeve zhvilluan një mbledhje të përbashkët të zhvilluar sot në Shkodër. Një prej marrëveshjeve të rëndësishme është ajo për Policimin Ajror dhe Emergjencat Civile, e nënshkruar nga ministrja e Mbrojtjes, Olta Xhaçka dhe homologu i saj malazez, Predrag Boskoviç. 

Hapja e dy pikave të reja kalimtare mes dy vendeve si dhe vënia në funksionim e një tjetër pike, ishin gjithashtu një tjetër marrëveshje e firmosur nga kryeministrat Edi Rama dhe Dushko Markoviç. 

Pas nënshkrimit të marrëveshjeve, ministrja e Mbrojtjes, Olta Xhaçka u shpreh se Shqipëria dhe Mali i Zi janë dy vendet më kontributore për sigurinë rajonale. 

Si anëtarë të NATO-s kontribuojmë në mënyrën më të mirë në sigurinë dhe stabilitetin e rajonit. Shqipëria dhe Mali i Zi kontribuues faktik në rritjen e sigurisë në Ballkanin Perëndimor dhe NATO. Marrëveshjet, hap i rëndësishëm në rrugëtimin tonë rajonal dhe atë euro-atlanik. Shqipëria dhe Mali i Zi, bashkëpunim të shkëlqyer në emergjencat civile dhe patrullimin ajror. Vullnet të përbashkët për të bashkërenduar përpjekjet për rritjen e sigurisë së qytetarëve tanë.

Ndajmë të njëjtat rreziqe dhe përballemi me të njëjtat sfida me Malin e Zi. Pranë njeri-tjetrit për t’i ofruar ndihmë për të përballuar me sukses këto kërcënime të përbashkëta. Vendet tona kanë detyrime ndaj Aleancës. Këto marrëveshje materializojnë pikërisht përmbushjen e këtyre detyrimeve. I hapim rrugën bashkëpunimit për rritjen e sigurisë në rajon dhe zonën Euro-Atlantike. 

Olta Xhaçka, ministre e Mbrojtjes

Pikë e re kufitare mes Shqipërisë e Malit të Zi në Zogaj, Shkodër
Në mbledhjen e përbashkët të dy qeverive në Shkodër, Ministri i Brendshëm Fatmir Xhafaj dhe homologu i Malit të Zi, Mevludin Nuhodzic, firmosën marrëveshjen për hapjen e një pike të re kufitare në Zogaj, Shkodër. 

Hapja e pikës së përbashkët të kalimit kufitar Zogaj (Shqipëri) - Skje (Mali i Zi) do të jetë funksionale për qarkullimin ndërkombëtar rrugor dhe të pasagjerëve. 

Pika kufitare është dakordësuar mbi mundësitë për fuqizimin dhe përmirësimin e mëtejshëm të bashkëpunimit fitimprurës të dyanshëm dhe afatgjatë, duke krijuar kushte optimale për zhvillimin e këtij bashkëpunimi përmes lehtësimit të qarkullimit në kufirin e përbashkët shtetëror.

Pika e Përbashkët e Kalimit Kufitar do të ndërtohet në territorin e Malit të Zi, në vendin e emërtuar Skje, në rrugën Ostros–Shirokë-Shkodër. Kalimi i përbashkët do të jetë me një ndalesë, duke thjeshtuar procedurat kufitare.

Marrëveshje për Manaxhimin e Burimeve Ujore Ndërkufitare
Shqipëria dhe Mali i Zi kanë nënshkruar një marrëveshje edhe për Manaxhimin e Burimeve Ujore Ndërkufitare. Zv/kryeministrja Senida Mesi tha se marrëveshja adreson sfidat e përbashkëta në manaxhimin e burimeve ujore ndërkufitare. 

Përforcojmë & zhvillojmë më tej bashkëpunimin e drejtëpërdrejtë mes Shqipërisë & Malit të Zi. Rrisim rolin tonë konstruktiv në zhvillimin e rajonit & marrëdhëniet e fqinjësisë së mirë. Me homolgun malazez Milutin Simović nënshkruajmë sot në emër të dy qeverive Marrëveshjen për Marrëdhëniet e Ndërsjellta në Manaxhimin e Burimeve Ujore Ndërkufitare

Marrëveshja adreson sfidat e përbashkëta në manaxhimin e burimeve ujore ndërkufitare. Bazohet në një qasje të integruar & qendron besnik instrumentave ndërkombëtarë & direktivës kuadër të ujit të BE. 

Senida Mesi, zv/kryeministre

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata