Rama: Nisim konsultimet publike, cdo faturë tatimore do kalojë në kohë reale në sistemin dixhital

Shumë shpejt do të nisin konsultimet publike për të vënë në zbatim faturën elektronike. Të gjitha bizneset që do të lëshojnë fatura tatimore, do të monitorohen në kohë reale nga një sistem dixhital. Dhe jo vetëm kaq. Për të shmangur faturat fiktive, kontrolli do të jetë edhe ndaj faturave që bizneset paguajnë përmes bankës, por edhe faturat mes vetë bizneseve. Kryeministri Edi Rama tha se të gjitha transaksionet do të jenë transparente dhe në kohë reale të shfaqura në sistem.

"Po punojmë për projektin e fiskalizimit, për faturën elektronike dhe nxjerrjen mbi sipërfaqe të të gjitha transaksioneve në mënyrë transparent duke kaluar në një mode dixhital ku çdo faturë në kohë reale është e monitorueshme dhe merr fund epoka e faturave fundore. Por edhe për faturat mes vetë bizneseve, madje do të monitorohet nëpërmjet sistemit dhe fatura e pagesës nëpërmjet bankës, që mos të ketë fatura fiktive. Megjithatë kjo nuk e përjashton faktorin njeri, organizim, koordinim dhe veprim i përditshëm në terren përmes syve njerëzor", - tha kryeministri Edi Rama në një takim me drejtues të administratës Tatimore.

Lajmi kryesor:

Rama: 15 mijë kasa joraportuese, nuk do të tolerohet asnjë biznes...çdo faturë do kalojë në sistem dixhital! (VIDEO)

G.M./b.ha./Shqiptarja.com

TAG:
• edi rama
• drejtoria e tatimeve
• kasa fiskale
• aksioni anti-informalitet
• fatura tatimore