TIRANE - Përpara administratës Tatimore, kryeministri Edi Rama prezantoi drejtoreshën e re të Tatimeve, Delina Ibrahimaj, e cila deri dje ishte në krye të INSTAT, Institutit të Statistikave. Kreu i qeverisë tha se arsyeja e largimit nga detyra të Enton Duros, ish-drejtuesit të Tatimeve, erdhi për shkak të mungesës së rezultateve, dhe tha se pika kryesore ku do të fokusohet detyra e drejtueses së re, është pikërisht arritja e objektivave.
Në një takim që mbajti në kryeministri me drejtuesit e Tatimeve, Rama radhiti një sërë problematikash të evidentuara në këtë sektor, ku më kryesorja ishte mos lëshimi i faturave tatimore nga bizneset.
Shefi i mazhorancës tha se janë 15 mijë kasa që nuk raportojnë, ndërsa ngriti alarmin ndaj mallrave të akcizës, si alkooli, karburantet, cigaret, por edhe sektorin e turizmit dhe ndërtimeve, që sipas tij nuk derdhin kontribute në Tatime.
Rama tha se do të nisin konsultimet publike për një sistem të dixhitalizuar të faturave tatimore, përmes së cilit do të ketë kontroll në kohë reale të tyre. Në fund, kryeministri ju drejtua me një apel bizneseve, duke thënë se pavarësisht politikave lehtësuese për sipërmarrjet, tregu nuk është formalizuar. Kush nuk lëshon fatura tatimore - tha Rama - do të marrë ndëshkimin e merituar.
Një qëndrim të prerë e mbajti edhe ndaj administratës Tatimore, se kush nuk plotëson objektivat e arritura, nuk ka më vend në të
"Situata politike e gjithë 6 mujorit të parë ka qenë në disfavor të punës suaj, performancës së shtetit, dh në këtë aspekt mund të ketë hapësirë për një mirëkuptim me bizneset dhe konsumatorët, por nuk është i mirëkuptuar asnjë drejtues i administratës Tatimore që nuk përmbush objektivin e rezultatit të përmuajshëm. Nuk është i mirëkuptuar asnjë punonjës, asnjë inspektor terreni që nuk përmbush objektivin e përmuajshëm dhe nuk do të ketë mirëkuptim për asnjë syresh", tha Rama.
Kryeministri Edi Rama ju drejtua me një apel bizneseve, duke thënë se pavarësisht politikave lehtësuese për sipërmarrjet, tregu nuk është formalizuar. Kush nuk lëshon fatura tatimore - tha Rama - do të marrë ndëshkimin e merituar.
"Hetimi tatimor nuk mund të jetë një trup paraleminitare inspektimesh për inspektim. Duhet të jetë shërbimi inteligjent i Tatimeve, syri që shesh aty ku të tjerët nuk shohin, veshi që dëgjon aty ku të tjerët nuk dëgjojnë, iniciuesi i goditjeve mbi bazë pune inteligjente, jo trupa që turret nëpër dyer sipërmarrjesh dhe që më shumë bën dëm sesa sjell rezultat. Unë kam besim që drejtuesja e re së bashku me ekipin drejtues të ministrisë dhe Tatimeve, nën monitorimin sistematik të zv.kryeministrit i kanë të gjitha mundësitë për të bërë sukses, por suksesi në këtë moment dhe në këtë drejtim kërkon sakrificë. Jo në kuptimin e ndonjë heroizmi, por e angazhimit të çdo individi dhe çdo strukture me fokus objektivin. Duke i uruar drejtueses së re sukses dhe duke ju uruar të gjithëve ju sukses do e mbyll me një apel për të gjithë biznesin. Kemi zgjedhur prej jo më shumë se 6 muajsh një qasje këshilluese, informuese, edukuese duke mos preferuar të shkojmë tek hapi i fundit, kjo periudhë ka përfunduar, dhe besoj që legjislacioni është shumë i qartë, dhe masat që legjislacioni parashikon për çdo biznes që nuk punon rregullisht me faturat përkatëse, janë të atilla që nuk ja vlen aventura e mos lëshimit të faturës. Dihet që nëse nuk lëshon një kupon në një lokal të mbyllet lokali, të mbyllet njësia tregtare, për një periudhë që sjell një dëm të madh. Kështu që ju lutem të gjithëve mos e sprovoni administratën dhe mos e sprovoni shtetin sepse nuk do të tolerohet askush", tha Rama.
Mallrat që për të cilat paguhet akcizë ishin një tjetër problematikë që kryeministri Edi Rama nxori në fokus gjatë takimit që pati në kryeministri me drejtues të administratës Tatimore. Turizmi, cigaret dhe karburantet bëjnë ende abuzime që ndikojnë drejtpërdrejtë në të ardhurat tatimore. Rama tha se asnjë lehtësi që i është bërë sipërmarrësve nuk është reflektuar në formalizimin e tregut, pasi ende vijojnë abuzimet, ku shembull tha Sarandën, atje ku apartamentet shkojnë deri në 550 euro nata, por që nuk derdhin asnjë kontribut në Tatime.
"Më thoni ju si mundet që karburantet, cigaret, akcizat në përgjithësi, përfshirë pijet alkoolike, por edhe ndërtimi, të mos adresohen nga ky sistem administrativ në mënyrë të koordinuar. Për të mos folur për turizmin, për shkak të sezonit, por dhe në vazhdimësi. Kemi bërë një ulje drastike të TVSH të turizmit në 6 % në funksion të formalizimit të treguar, sipërmarrja është lehtësuar, tregu nuk është formalizuar. Dhe përsëri mungon analiza e riskut.
Në Sarandë ka apartamente 550 euro nata, dhe dalin të rezervuara. Kjo flet për një rritje pozitive në funksion të zhvillimit të turizmit dhe rritje të të ardhurave. Si mundet që për këto apartamente të mos ketë kontribute në Tatime?
Cigaret dhe karburantet e kemi thënë vazhdimisht që kërkojnë një adresim të integruar mes tatimeve dhe doganës, shkëmbim të dhënash nga momenti i hyrjes deri tek konsumatori fundor, përbëjnë 40 % të të ardhurave të doganës, dhe çdo rrjedhje aty ka një impakt negativ të drejtpërdrejtë.
Skemat e mashtrimit me TVSh tek ndërtimi, janë goditur por nuk janë eliminuar, vazhdojnë", tha Kryeministri Edi Rama.
Shumë shpejt do të nisin konsultimet publike për të vënë në zbatim faturën elektronike. Të gjitha bizneset që do të lëshojnë fatura tatimore, do të monitorohen në kohë reale nga një sistem dixhital. Dhe jo vetëm kaq. Për të shmangur faturat fiktive, kontrolli do të jetë edhe ndaj faturave që bizneset paguajnë përmes bankës, por edhe faturat mes vetë bizneseve. Kryeministri Edi Rama tha se të gjitha transaksionet do të jenë transparente dhe në kohë reale të shfaqura në sistem.
"Po punojmë për projektin e fiskalizimit, për faturën elektronike dhe nxjerrjen mbi sipërfaqe të të gjitha transaksioneve në mënyrë transparent duke kaluar në një mode dixhital ku çdo faturë në kohë reale është e monitorueshme dhe merr fund epoka e faturave fundore. Por edhe për faturat mes vetë bizneseve, madje do të monitorohet nëpërmjet sistemit dhe fatura e pagesës nëpërmjet bankës, që mos të ketë fatura fiktive. Megjithatë kjo nuk e përjashton faktorin njeri, organizim, koordinim dhe veprim i përditshëm në terren përmes syve njerëzor", - tha kryeministri Edi Rama në një takim me drejtues të administratës Tatimore.
Kreu i qeverisë foli me tone të ashpra sa i përket mosfunksionimit të kasave në shumë biznese, duke ngritur pyetjen se kush duhet të mbajë përgjegjësi për 15 mijë kasa në biznese që nuk raportojnë. Në një takim me drejtuesit e Tatimeve, Rama tha se janë rishfaqur fenomenet e dikurshme të aktiviteteve individuale apo në grup për qëllime korruptive.
"Si mundet të pranohet sot të kemi 15 mijë kasa jo raportuese në biznese që figurojnë aktive nga 112 mijë të tilla. Kujt i kërkohet përgjegjësia çdo ditë lidhur me këtë? kush i mbulon në territor këto pika të kuqe alarmi dhe si mundet që të gdhijë dita e re, java tjetër, muaji tjetër, dhe këto pika të kuqe alarmi të mbeten të kuqe? Pse kompanitë e kasave nuk gjobiten? Ligji është i qartë për to. Është ngritur një sistem që konsiderohet funksional më Tatime së bashku me FMN që Fondi e ka marrë si model për tu përdorur në vendet e tjera, me module risku që duhet të jenë bazë e analizës dhe trajtimit të vizitave në terren të një aktivitete inteligjent dhe ka vetëm një motiv dhe anarki brenda administratës ku janë rishfaqur fenomenet e dikurshme të aktiviteteve individuale apo në grup për qëllime korruptive", tha kryeministri.
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
