Rama: Rindërtimi 'prioritet i proriteteve'! Brenda 2020 të gjitha shërbimet online! Do ishte mirë që PD të ishte në parlament (VIDEO)

Kreu i qeverisë Edi Rama deklaroi se Kuvendi nuk ka vakum sepse procesi legjislativ po ecën ndërsa reformat po çohen përpara. Rama tha se brenda 2020 të gjitha shërbimet do të ofrohen online, ndërsa e quajti procesin e rindërtimit të banesave prioritetin e prioriteteve.

"Unë mendoj që Kuvendi nuk ka vakum sepse kuvendi funksionon, procesi legjislativ ecën. Reformat po i çojmë përpara. Do ketë një impakt në nevojë për të përfunduar titullin e pronësisë në fshat qoftë në aspektin e shërbimeve. Në janar qytetarët nuk do shkojnë nëpër sportele të presin. Brenda 2020 të gjitha shërbimet do të ofrohen online. Nuk do ketë më nevojë të shkojë në 17 dyer. Edhe në aspektin e sezonit turistik kemi ndërmarrë nismën për të bërë një riformatim. Do hapet kantieri i madhe i kampusit universitar të pakrahasueshëm. Aspekti i rindërtimit është prioriteti i prioriteteve. Njerëzit do kthehen në shtëpi më të mira dhe nuk besoj se në kushte të tjera do bëhej më mirë se kaq. Do ishte mirë që PD të ishte në parlament, por ka marrë vendimin e vetë të ikë duke dëmtuar rëndë PD, nuk e ka bërë më të mirë jetën politike të vendit, por gjërat funksionojnë edhe pse mund të funksiononin më mirë. Jemi të gatshëm të ulemi në tryezë të mbajmë shënime. Ne jemi të zgjedhur për të udhëhequr, nuk presim sa të zgjohen nga gjumi", u shpreh Rama.

Lajmi kryesor:

Kongresi i PS-së në 29 shkurt! Rama: Rindërtimi 'prioritet i proriteteve'! PD duhet të ishte në parlament, por reformat shkojnë përpara

/b.ha./Shqiptarja.com

TAG:
• edi rama
• partia socialiste
• termet me viktima ne Shqiperi