Rama: Shkodra, bashki që shkon qorrazi drejt të ardhmes! Më jepni mandatin e tretë që të 'laj borxhet' me këtë qytet

 

Kryeministri Edi Rama ka sulmuar Bashkinë e Shkodrës, e vetmja nën drejtimin e demokratëve. Gjatë bashkëbisedimit të tij me qytetarët, Rama tha se kjo Bashki vegjeton, teksa kërkoi një mandat të tretë që "të lajë borxhet" me këtë qytet.

"Shkodra vegjeton, është një automallkim që i bëhet nga vetvetja nga verbëria, tifozllëku. Njëra palë ulëret, tund 2 gishtat, mallkon, bën rrëmujë, por në fakt në aspektin e filozofisë qeverisëse pala që është anti komuniste dhe anti fashiste është PS, anti dogmave dhe anti asaj pjesëve të trashëgimisë që është e papranueshme për botën ku jetojmë, por këtyre nuk u interesojnë atyre që e kanë mendjen tapë për 30 vjet me dëngla e dokrra. Nuk dua të shfajësoj veten, ne kemi borxhe, Shkodra është një potencial i jashtëzakonshëm, çfarë e pengon të bëhet? Ato që janë të marrosur nga tifozllëku partiak, por shkojnë qorrazi he japin votën pas britmave, pas mallkimeve, dhe ky është fakt, Sidoqoftë, nuk jemi pa borxhe dhe këtu jam që t'u them nëse doni që t'i shlyejmë borxhet ndaj Shkodrës na jepni mbështetje dhe për të mbështetur Shkodrën kemi ardhur vërdallë nga një bashki qorre, injorante, e inercisë duke shkuar qorrazi drejt të ardhmes", tha Rama.

LEXO EDHE:
Marrëveshja zgjedhore dhe e Djathta!

Lajmi kryesor:

Rama: Policia s'reagon për takimet e Bashës se mund të bëjnë më keq! Sot shkuan te qendra e vaksinimit në Malësi të Madhe, të përzinin të moshuarit

B.K./r.k./Shqiptarja.com

TAG:
• edi rama
• Shkoder
• lulzim basha
• PD
• zgjedhjet parlamentare 2021