Kryeministri Edi Rama është shfaqur sot me një xhaketë xhins me lara të kamuflazhit ushtarak në Panairin Kombëtar të Punës, të zhvilluar sot në Sheshin Skënderbej në Tiranë me rastin e 1 majit.

Rama vizitoi disa stenda, kur papritmas një qytetar iu afrua dhe debatoi me të.

Qytetari: Kam vajzën, di anglisht, frëngjisht, ka mbaruar shkencore, edhe rri në shpi, mban fëmijën e vogël.

Rama: Ç’do t’i këtu? Ku e ke gocën? Të vijë goca të këkrkojë punë, mbaja ti kalamajtë, ti je gjyshi...

Kryeministri vijoi më tej me taki,met e tij në stendat e disa bizneseve.

Rama: Keni nevojë për punonjës?

Subjekti: Mbi 50, menaxherë, shitës.

Rama: Edhe menaxherë, keni kërkesa?

Subjekti: Vijnë çdo ditë, kemi pritje.

Rama: Sa është paga për menaxherët kryesorë?

Subjekti: Minimalja 30.000, për kryesorët mbi 50.000.

Edi Rama sot në Panairin e Punës në Tiranë 

Rendit zhvillimet sipas orarit:
Ora 12:00
‘O legen na gjej punë’/Rama ironi me komentuesit e Facebook-ut: Rrinë në kafe me lekët e babit

Kryeministri Edi Rama ka shfrytëzuar Panairin e Punës në sheshin “Skënderbej”, për të ironizuar ata që e fyejnë në rrjetet sociale.  

Rama tha se punë ka, por një pjesë e mirë e të papunëve nuk kërkojnë të punësohen, por sipas tij rrinë në kafe me paratë e babit dhe mamit, ose Facebook dhe i kërkojnë kryeministrit punë. 

“Jemi në një situatë ku çelja e vendeve të punës është reale, por duhet të luftojmë të gjithë së bashku me një psikologji të rëndë të trashëguar me mirë me një punë shteti, në kafe me lekët e mamit dhe babit dhe pastaj Facebook i shkruajnë kryeministrit “o legen na gjej punë””.

Edi Rama, Kryeministër