I palëkundur për shtyrjen e 30 qershorit dhe krejtësisht i bindur se zgjedhjet janë legjitime edhe pa pjesëmarrjen e opozitës. Ka qene ky fokusi i fjalimit të kryeministrit Edi Rama në Cërrik, teksa prezantoi kandidatin për kryetar Bashkie, Andi Salla.
Në fjalën e tij nuk kanë munguar akuzat për kundërshtarët politik, sipas së cilit, nuk po bëjnë gjë tjetër veçse po dëmtojnë imazhin e Shqipërisë në botë, pak para se të merret vendimi për çeljen ose jo të negociatave.
Në takimin me qytetarët e Cërrikut, Rama nuk i ka kursyer ironitë për opozitën. Ai është shprehur se opozitës i pëlqen shumë dhuna dhe në vëmendje ka sjellë rastin e dhunimit bab e bir nga vetë protestuesit.
"Ne nuk jemi më të mirë e mundshëm, por më të mire se ne as ka pasur e as nuk ka. Nuk rrinë dot pa dhunë dhe kur nuk i del kush përpara rrahin njëri tjetrin. E patë si përfunduan bab e bir. Nuk kanë asgjë tjetër për t'i ofruar përveç dhunës. Të alarmuar nga reforma në drejtësi, janë kthyer njësoj si 'Beni që ecën vetë'. Këndon që të dëgjojë zërin e vetë nga frika ndaj errësirës. Kush preferon rrugët, do mbetet në rrugë se aty e meriton të mbetet", tha Rama.
Kryeministri Edi Rama ka ripërsëritur se nuk e vë aspak në diskutim shtyrjen e zgjedhjeve, duke theksuar se ato janë legjitime edhe pa pjesëmarrjen e opozitës. Teksa ka theksuar se shkak për bojkotimin e zgjedhjeve nga opozita është frika nga zgjedhjet dhe Reforma, kreu i qeverisë është shprehur se shtyrja e 30 qershorit nuk bëhet pasi nuk do shkelë Kushtetutën, apo ta trajtojë si 'top lecke'.
"Askush nga ata nuk e kthen kohën e Shqipërisë. Të gjithë e kanë kuptuar, edhe demokratët se ata kanë frikë nga zgjedhjet, prandaj bërtasin rrugëve kundër zgjedhjeve. Kanë frikë të dalin para popullit, të thonë çfarë kanë bërë dhe të tregojnë se sa të zotë janë për t'i bërë gjërat që thonë. Në vend të dalin para popullit që t'i thonë pse e duan votën, i kërcënojnë se s'do i lënë të votojnë. Nuk kanë idenë, nuk logjikojnë me argumente dhe prandaj kujtojnë se do imponojnë logjikën e kapsollave dhe të molotovit. Por një gjë ta keni të sigurt, ata janë të lirë që të vendosin për veten e tyre, dhe nëse vendosin që të vrasin vete politikisht nuk i pengojmë dot, por nuk vendosin për asgjë tjetër për Shqipërinë. Ka njerëz që me dashamirësi thonë si mund të bëhen zgjedhjet pa ata. Nëse shkaku i mos hyrjes së tyre në zgjedhje nuk do ishin ata vetë, po ne, atëherë zgjedhjet do ishin antidemokratike. Por ata e vendosën vetë, kështu që zgjedhjet pa ata janë demokratike dhe kush mendon se rruga më e urtë do të ishte që meqë ata kanë dalë mendsh ne duhet ecim me parimin "budallait" hapi rrugë, duhet ta imagjinojë se çdo të thotë kjo. Kjo do të thotë që t'i hapësh rrugë një historie që nuk mbaron më...kështu zgjedhjet kthehen në të drejtën e partive për të luajtur me Kushtetutën si top lecke dhe me popullin si ta kenë ata për mbarë. Zgjedhjet do të bëhen në 30 qershor. Imagjinoni ça do të ndodhte sikur ne të pranonin imponinim e logjikës së dhunë, kjo do të thoshte t'i hapim rrugës politikës destruktive. Ne padiskutim që kemi gabimet tona, kemi të metat tona. Kemi shumë gjëra për të bërë dhe korrigjuar. Ne nuk jemi më të mirë e mundshëm, por më të mire se ne as ka pasur e as nuk ka. Nuk rrinë dot pa dhunë dhe kur nuk i del kush përpara rrahin njëri tjetrin. E patë si përfunduan bab e bir. Nuk kanë asgjë tjetër për t'i ofruar përveç dhunës. Të alarmuar nga reforma në drejtësi, janë kthyer njësoj si 'Beni që ecën vetë'. Këndon që të dëgjojë zërin e vetë nga frika ndaj errësirës. Kush preferon rrugët, do mbetet në rrugë se aty e meriton të mbetet", tha Rama.
Kryeministri Edi Rama i ka cilësuar si absurde deklaratat e kryetares së Bashkisë, Voltana Ademi e cila tha se do kishte shumë dëshirë që të qëllonte me molotov.
"Sa shumë i pëlqente molotivi. Si mund të flasë kështu një kryetar Bashkie?. Shikoni Shkodrën në 30 vite e drejtuar nga PD dhe Vlorën në 4 vite. Mbas katër viteve do shihni çfarë ndryshimi do të bëjë ajo pas drejtimit të PS", tha Rama.
Nga Cërriku, teksa prezantoi kandidatin për Bashkinë, kreu i grupit parlamentar, Taulant Balla komentoi edhe situatën politike. Ai tha se ndryshe nga PD-LSI, PS po punon për të mirën e Shqipërisë në rrugëtimin e saj drejt BE.
"Rruga kundër Shqipërisë ka bërë bashkë PD-LSI. Luli dhe Monika mundohen t'i bëjnë dëm rrugës Europiane të Shqipërisë", tha Balla.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
O Edi Rama nëqoft se je BURR zgjedhjet duhen bër e lyli vër në të sëmës të shkoi .
Përgjigjuper njerin nga ju eshte fundi, ose ti ose luli, per popullin duhet te kuptoje vetem se per interesat ose kapriciot e tyre jane gati te shkojne ne lufte e te mos e cajne irakun per ne
Përgjigju