Socialistët prezantuan sot në Belsh kandidatin për kryetar bashkie. Ai është Arif Tafani, kryebashkiakut aktual i cili kandidon për një mandat të dytë në këtë qytet.
Gjatë fjalës së tij kryeministri Edi Rama u shpreh i vendosur se 30 qershori nuk shtyhet dhe as tërhiqet pavarësisht përpjekjeve të opozitës për të kërkuar pushtetin në tavolinë.
Ndërsa kreu i grupit parlamentar të PS, Taulant Balla deklaroi se tashmë Belshi është kthyer në një atraksion turistik ku mbetet akoma më shumë punë për të bërë në katër vitet e ardhshme.
Kryeministri Edi Rama deklaroi nga Belshi se zgjedhjet nuk janë pa kundërshtarë por me kundërshtarët e zgjedhjeve. Ai tha se njerëzit shtyhen të sulmojnë institucionet nga ata që flenë të qetë në shtëpitë e tyre.
"Ata shkojnë jashtë dhe e bëjnë copë vendin. Turp më të madh nuk ka. Sot është shumë e thjeshtë dhe shumë e qartë. Ne nuk e kemi zgjedhur kundërshtarin. Ne kemi ardhur këtu dhe do shkojmë në të gjithë Shqipërinë. Zgjedhjet nuk janë pa kundërshtarë por me kundërshtarin e zgjedhjeve. Ne nga ana jonë kështu e patëm fatin politik të rregullonim gabimet e tyre. Është shumë më e vështirë t'i bësh gjërat. Unë mirëpres dhe ata që më shajnë. Se kam problem as për ata që thonë se më ra infarkt dhe ika në Gjermani. Shëndet më bëhet. Rruga jonë është e shënuar dhe ecën vetëm drejt. Kush e merr durimin tonë për tulatje gabon. Kush mendon se ky vend mund të bëhet akoma shesh gabon. Kush mendon se ne po i frikemi atyre që bërtasin dhe ulërasin se janë të trembur dhe duan që të dëgjojnë zërin e tyre gabon prapë. Është e pakuptimtë që dhjetëra persona që nuk flenë në shtepi ndërsa ata që i shtyjnë të sulmojnë institucionet flenë në shtëpitë e tyre. Dihet që Arifi do jetë kryetar. Më 30 qershor vota është edhe për të mbaruar punë me zgjedhjet edhe për të mbaruar punë me hienat e këtij pushteti", tha Rama.
Kreu i qeverisë Edi Rama përsëriti edhe njëherë nga Belshi se opozita ka frikë të futet në zgjedhje pasi i trembet rezultatit të tyre. Rama kujtoi edhe njëherë marrëveshjen e 17 majit duke thënë se i është lutur lideri demokrat si Romeo Zhuljetës për të mirën e vendit.
"Ata kanë frikë të përballen me popullin duke i treguar njerëzve se çfarë dinë të bëjnë. Ata kanë frikë nga zgjedhjet sepse e dinë shumë mirë që nuk i fitojnë dot. Keq na vjen, por është puna e tyre. Kanë dalë në rrugë dhe në rrugë do mbeten. Nëse rrugët e tyre duhej t'i përfundonim edhe rruga e Elbasanit iku mbaroi. Ama rrugët ishte detyra jonë, ama ata nuk është detyra jonë t'i kthejmë nga rruga. Ata kanë një popull imagjinar. Bashkë me punonjësit e ndërmarrjes së ujësjellësve, mirë që dalin në protestë por duke qenë se duan patjetër dhunë dhe po vdesin të provokojnë që sillet si model kanë fillua tani i japin dajak njëri-tjetrit. Ata janë në të drejtën e tyre të vrasin veten politikisht. Ata Shqipërinë mbrapa nuk e kthejnë dot. Ata 30 qershorin as nuk e shtyjnë as nuk e tërheqin dot. Në kohën e sistemit të një partie të ndalonte sistemi të hyje në zgjedhje. Kanë panik nga drejtësia. Nuk e kanë dashur reformën kurrë dhe nuk kanë faj me gjithë ato që kanë bërë. Populli thotë mos e urre kundërshtarin se humbet logjikën. Zgjedhjet nuk i caktojmë ne. Ato janë e drejta e njerëzve. Zgjedhjet do mbahen në qershor. Pas 30 qershor do vendoset vija e kuqe ku mbarojnë lojërat dhe ku fillon ligji. Ata thonë të ikë qeveria, dhe të bëjmë një qeveri si e duam ne. Luli do mësojë, bretkosa në Belsh ka, qofte te daja nuk ka. Dy vjet më parë kam heq shumë keq duke iu lut Lulit, i jam lut më shumë se Romeo Zhuljetës. E shpëtova njëherë nga humnera për vendin që të bënte zgjedhje normalisht. Mori të gjitha ato që deshi", tha Rama.
Nga Belshi ku prezantoi kandidatin për zgjedhjet e 30 qershorit, kreu i qeverisë Edi Rama deklaroi se Elbasani dhe Belshi kanë pësuar ndryshime si qarku ku është bërë puna më e madhe.
"Më të mirë se ne nuk ka. Vlerësimi bëhet me fakte. 30 vite mjaftojnë për ta bërë vlerësimin. Kthejeni kokën dhe shikoni cfarë kanë bërë ata dhe çfarë kanë bërë ne. Ne nuk kemi shkatërruar, nuk kemi zhytur njerëzit në borxhe dhe sot nga Elbasani sot këtu në Belsh, puna jonë flet më mirë se çdo fjalë. Kur kemi bërë fushatën në Elbasan kemi pritur që të vinte ora. Vinte një erë e tmerrshme. Qazimi tha vetëm hiqja këtë erë qytetit. Jo vetëm që e kemi kthyer Elbasanin në vendin e përpunimit dhe gjithë ky qark nga qarku i ndotjes më të madhe është kthyer në qarkun ku është bërë puna më e madhe", tha Rama.
Arif Tafani, kryetar i Bashkisë së Belshit i cili kandidon për një mandat të dytë deklaroi se Belshi është kthyer në një destinacion turistik. Ai tha se me 30 qershor do votohet për Belshin e rilindur.
"Është nder i madh të jesh pjesë e projektit Bashkia që duam. Ne u angazhuam që Bashkia e re e Bleshit do ishte një fuqi ndryshimi. Rama e quajti një projekt të madh të Rilindjes urbane. Ky shesh rilidni falë jetësimit të këtij projekti që e ka kthyer vendin në një destinacion turistik.Ju tashmë e dini që qeveria ka akorduar një fond 3.4 mln lekë për fazën e parë të projektit që do marrë jetësimin në korrik. Qyetarëve të Belshit ju ofrohen shërbime që deri dje i merrte vetëm në qytetin e Elbasanit. Qeveria ka investuar në dy projekte të mëdha vaditëse. Në 30 qershor do votojmë për Belshin e rilindur", përfundoi Tafani.
Kreu i Grupit Parlamentar të PS, Taulant Balla prezantoi në Belsh kandidatin e PS në Belsh dhe vuri në dukje zhvillime të ndodhura në këtë qytet përgjatë katër viteve të fundit, duke thënë se tashmë është një nga qendrat kryesore turistike në vend.
"Në një prej destinacioneve për tërheqëse në Shqipëri. Dua të them se ajo që kemi bërë deri tani është vetëm fillimi. Deri në 2015 në Belsh qeveriste një doktor i Partisë Demokratike. Tani vjen edhe Luli për të bërë pushime në Belsh për të ngrënë këmbë bretkosash. Është përmbyllur problemi i ujit të pijshëm. Në fushatë nuk lejohet asnjë lloj tenderimi publik. Në Blesh nuk ka dhe nuk ka për të pasur asnjë budalla që t'i bjeri murit me kokë për të bllokuar votimet. Isha dy ditë në Berlin. Nuk di çfarë më dëgjuar veshët, çfarë kishte broçkollisur Luli me të tijët në Belsh. Paska qenë destini jonë, që ata bëjnë pis, ne pastrojmë. PS jo vetëm do t'i hapë negociatat për anëtarësim por Edi Rama do jetë kryeministri që do marrë edhe datën e aderimit të Shqipërisë në BE", tha Balla.
Lajme të tjera
-
Dhanë vendimin e 30 qershorit, Meta kërkesë KPA-së: Nisni hetimin disiplinor për Fiona Papajorgjiin dhe anëtarët e tjerë të Gjykatës Kushtetuese
26 Janar 2022, 10:27 -
KQZ dijeni vetëm për 3 bashki pa kryetarë, Meta letër Kryeministrisë: Kërkoni zgjedhje të parakohshme, por s’më informoni zyrtarisht! 2 pyetjet që duhet të më përgjigjeni sa më shpejt
17 Janar 2022, 13:28 -
Nga 'fati' i Metës në Kushtetuese, te akti final i 'betejës' në PD apo zgjedhjet e parakohshme në 6 bashki! 5 ngjarjet 'e nxehta' që priten në arenën e politikës gjatë vitit 2022
2 Janar 2022, 14:32
-
Meta kundërshton Kushtetuesen për zgjedhjet vendore? PS: Kjo punë ka marrë fund, morën mësimin e duhur! Fitoi e drejta e shqiptarëve për të votuar
9 Dhjetor 2021, 11:46 -
Skënder Minxhozi: Me ose pa Kushtetuese, presidenti nuk ndryshon
7 Dhjetor 2021, 19:20
-
Zgjedhjet e 30 qershorit, Presidenca: Gjykata Kushtetuese i zhgënjeu të gjithë me vendimin, nuk i dha zgjidhje përfundimtare çështjes, por ia la politikës
7 Dhjetor 2021, 17:11 -
Votimi/ Gruaja e Andi Bejtjas sfidoi ‘Venecian’ dhe doli në krah të Metës, e vetmja në Kushtetuese që kërkoi përmbysjen e zgjedhjeve të 30 qershorit 2019
6 Dhjetor 2021, 16:20
-
Zgjedhjet lokale legjitime, Kume: Gjykata Kushtetuese ktheu opinionin e 'Venecias' në vendim të saj! Duhej të krijonte mekanizma për të mos u përsëritur 30 qershori
6 Dhjetor 2021, 13:16 -
Rrëzoi kërkesat për jo kushtetuetshmëri të zgjedhjeve lokale, Kushtetuesja zbardh vendimin: Nuk është në juridiksionin tonë! Voltana Ademi s'na vinte dot në lëvizje
2 Dhjetor 2021, 15:34 -
Po diskutoni për emër të ri Presidenti? PS: Meta është i shkarkuar nga Kuvendi por deri sa të shprehet Kushtetuesja është në detyrë
5 Nëntor 2021, 12:51 -
Skenari/ Meta pret Berishën të rrëzojë Bashën që të dekretojë zgjedhjet në 7 bashki?!
3 Nëntor 2021, 22:53
-
Ylli Pata: Çfarë parashikon shpallja e 'Venecias'-armik nga avokati i Ilir Metës?!
3 Nëntor 2021, 17:28
