Kryeministri Edi Rama po zhvillon takimin e përjavshëm me koordinatorët e bashkëqeverisjes. Kreu i qeverisë fton qytetarët t'i drejtohen platformës dixhitale shqiperiaqeduam.al për çdo shqetësim të tyre pasi trajtimi për t'i dhënë zgjidhje do jetë me përparësi. Mjaftojnë pak minuta tha Rama për të adresuar problemin dhe menjëherë angazhimi i institucioneve respektive do jetë maksimal. Mijëra qytetarë kanë marrë përgjigje si dhe kanë përfituar përmes platformës në një kohë kur disa vite më parë u duhej të endeshin nëpër zyrat e institucioneve duke larguar gjithnjë e më shumë zgjidhjen. Platforma online, tha Rama, është ilaçi i një sëmundje jo normale siç është burokracia.
Shembullin konkretet sesi burokracia ka penalizuar qytetarët ndër vite, duke iu mohuar të drejtën e tyre, Rama solli drejtorin e Hipotekës së Durrësit, Ardjan Iljazaj, i cili u denoncua nga emisioni investigativ "Fiks Fare" teksa refuzoi të regjistronte në hipotekë pronën e një qytetari. Drejtori i ishte drejtuar qytetarit me fjalët “meqë u ankove te bashkëqeverisja, le ta zgjidhë Rama”, duke refuzuar t’i përgjigjet shqetësimit të qytetarit.
Në takimin e sotëm, disa qytetarë prezantuan zgjidhjet që ata kanë marrë nga platforma shqiperiaqeduam.al.
Kryeministri Edi Rama në takimin në kuadër të Bashkëqeverisjes, i tha një studenteje të pranishme në takim se prania e saj tek salla e Hartave do të komentohet në rrjetet sociale si anëtarë e FRESSH.
Dialigu i Ramës me studenten:
Studentja ekselente: Faleminderit zoti kryeministër që bëni kaq shumë për studentët. Nuk e kuptoj se pse ata studentë vazhdojnë ende protestën. Por nuk dua që t’i futem asaj çështje.
Rama: Mos fol për ta se do të akuzojnë se je e FRESH. Ja që tani do nisin, madje mbyll rrjetet sociale. Janë ca bullsa në instagram dhe facebook që paguhen të sulmojnë studentët që flasin njerëzisht. Nga protesta e studentëve na është dhënë mundësi e madhe që të shohim të gjitha vendet e punët në administratë, të cilat do të vihen në dispozicion për studentët ekselentë.
Qytetari nga Durrësi, Florion Mita kishte aplikuar për t’u pajisur me një leje legalizimi që në vitin 2006. Që nga ajo kohë, për të kishte nisur një periudhë e vështirë sorrollatjeje në zyrat e shtetit, në kërkim të së drejtës së tij. Herën e fundit që qytetari ishte interesuar për procesin në sportelet e institucionit i ishte konfirmuar se dosja e legalizimit të banesës kishte dalë nga arkiva që në Prill të 2018-ës, por që nga kjo periudhë nuk i ishte vënë në dispozicion asnjë dokumentacion.
I zhgënjyer për vite të tëra nga kjo prite e stërgjatur, qytetari vendosi t’i drejtohej platformës shqipëriaqëduam.al në Nëntor të vitit 2018 dhe në kohë rekord, pas marrjes së ankesës nga zyra e bashkëqeverisjes në Ministrinë e Drejtësisë dhe pas plotësimit të dosjes së tij teknike, qytetari u pajis me lejen e legalizimin.
“Në fillim nuk besoja për rezultat nga platforma, pasi kisha aplikuar që në vitin 2006 dhe gjithnjë interesohesha derisa durimi arriti kulmin, kur më thonë që dosja ime kishte dalë për matjet në terren dhe asnjeri nuk e kishte marë mundimin të më njoftonte. Por kjo platformë më rezultoi efikase, ajo më dha zgjidhje”, tha qytetari në takimin me Ramën.
Kryeministri Edi Rama e ka quajtur "Halabak" drejtorin e Hipotekës së Durrësit që bëri "ping-pong" me një qytetar për më shumë se 6 vite. Në takimin me koordinatorët, Rama se drejtori është i shkarkuar dhe se vendimi do të komunikohet nga ministrja e Drejtësisë, Etilda Gjonaj.
“Po trajtojmë hallet tona me njerëz të padenjë, siç ishte rasti i djeshëm, i drejtorit që ka vetëm një përcaktim, halabak. Për të është marrë menjëherë vendimi i shkarkimit. Ministrja e Drejtësisë, Etilda Gjonaj do ta komunikojë këtë vendim”, u shpreh Rama.
Rasti i denoncuar dje në emisionin Fiks Fare, ishte ngritur si shqetësim nga qytetari Albert Doda nga Durrësi, që ishte paraqitur më shumë se 300 herë në zyrat e Hipotekës në Durrës për 6 vite. Doda i ishte drejtuar më herët platformës së Bashkëqeverisjes, e cila pasi kishte gjetur shkeljet ligjore, kishte shkarkuar një punonjës. Por megjithë masën e marrë, drejtori i Hipotekës Durrës, Ardjan Iljazaj, i kishte thënë sërish qytetarit: Meqënëse problemin e zgjidhe tek Rama, shko sërish tek Rama. Qytetari kërkonte të regjistronte pronën e tij në Hipotekë dhe të merrte dokumentacionin e rregulltë, por zyrat e Hipotekës i kishin hequr metra nga banesa dhe i kishin shtuar tek toka arë.
Ardian Iljazaj, drejtori i shkarkuar nga Rama
Një nga qytetarët e pranishëm në sallën e Hartave në Kryeministri në takimin e përjavshëm të bashkëqeverisjes, ka thënë se ka gjetur zgjidhje për problemin e tij përmes platformës së Bashkëqeverisjes. Por qytetari iu drejtua kryeministrit duke thënë se nuk është platforma zgjidhja për çdo qytetar.
Qytetari: Paraqita 7 pasaporta, s’më zgjidhi njeri punë me dokumentet. U paraqita në platformë dhe në këto kushte sot platforma më dha zgjidhje. S’e them për reklamë, as për propagandë, mua mu gjet zgjidhja. Por kjo nuk është zgjidhja, që çdo qytetar të shkojë në platform. Por administrata duhet të punojë dhe të japë zgjidhje, sepse jo gjithnjë administrata punon.
Edi Rama: Ishte rrëfimi i një kalvari të tmerrshëm, por unë besoj se platforma është rrugëzgjidhja. Burokracia s’është në nivele normale, edhe kur është normale ka avazet e tyre. Edhe në faqen e presidentit të Francës ka një kuti për t’u ankuar publiku me një arsye se s’ka burokraci perfekte. S’duhet shumë , vetëm atë që keni bërë ju. 3 minuta dhe problemi shkon drejt e tek ministri.
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
fal punes se qeverise ky vend eshte bere me i mire
PërgjigjuMire ja beri palacos, kushedi sa ka marr, ne burg te perfundoj! Te lumte
PërgjigjuVazhdoni po me te njejten ritem .Mjaft me korrupsion ne kete vend
PërgjigjuJa ben mire atyre qe nuk punojne dhe jane te korruptuar Z.Rama.Pervec kesaj duhen cuar para drejresise keta qener.Fillo me Vloren tani...
PërgjigjuPse keshtu funksjonon shteti more hajvan kryeminister?Pse duhet te ankohet qytetari more injorant i paafte?po ata qe nuk ankohen?dokumentat e qytetarit duhet ti shqyrtoje i ashtuquajturi shtet i mutit i korruptuar i juaji dhe qytetarit ti vijne me poste letrat pa u sorollatur ai vete neper zyrat e krimineleve te tu te korruptuar!
PërgjigjuI padenje specialisti...i padenje perfaqesuesi i ministrise né bordet e universitetit...i padenje drejtuesi i hipotekes... i padenje drejtuesi pyjores...i padenje drejtuesi i portit...i padenje kryetari bashkise...i padenje drejtuesi ost e arrsh...i padenje ministri...vetem partia dhe ai qe e drejton qe fundja i ka emeruar gjithe keta te padenje eshte e denje...beeeeeeee ooooioioio
PërgjigjuHipoteka e Durresit vendi me ordiner ne glob. E gjithe merite e Gjushit dhe horrave qe kane vene dashnoret dhe sekseret
Përgjigjushiko dhe zyrat e punesimit ku punojne plera
Përgjigjubravo Z. Rama vec halabak ka tek Hipoteka Durresit
PërgjigjuHipoteka e durrësit është skandal.Aty punojnë sekserë injorantë.Punojnë të dashurat e të fortëve si dhe njerëz me moral të ulët.Duhet vënë mirë dorë aty.Duhet shkarkuar një pjesë e mirë e punonjësve.
PërgjigjuBravo zoti kryeminister. Ju nuk duhet vetem ta shkarkoni por ne fakt duhet te arrestohet per abuzim ne detyren . Platforma po zgjidh shume probleme te mbartura por duhet ndeshkim maksimal per kedo qe abuzon me detyren shteterore
Përgjigju