Kryeministri Edi Rama, në takimin me të rinjtë në Shkodër, u shpreh se me 11 Maj shqiptarët duhet të shohin përtej të majtës e të djathtës, por t’i japin një mesazh të qartë Brukselit: Shqipërinë në BE. Kreu i qeverisë përsëriti se mundësia e vendit për të hyrë në Union është tashmë reale.
“Prandaj është e rëndësishme që më 11 Maj, të gjitha ata që merren me negociatat të vazhdojnë punën të patrazuar dhe ajo që del nga kutitë e votimit të jetë një mesazh kompakt i shqiptarëve përtej të majtës e të djathtës dhe mesazh këmbëngulës për Brukselin që duam Shqipërinë një orë e më parë në BE. Besoj se kështu do të ndodhë.”, tha Rama.
Kreu i qeverisë rikujtoi se ishte PS ajo që bëri reformën në drejtësi, duke i hyrë detit me këmbë dhe duke e votuar ndërsa të tjerët refuzonin që të hynin në parlament.
“Kishit parë përpara që ndonjë ministër apo person me pushtet që hynë e dalin në Tv të shkonte e të jepte llogari në Prokurori, të dënohej në gjykatë apo të arratisej. As prindërit, gjyshërit tuaj nuk kishin parë. Ka pasur vetëm njerëz të dënuar nga i pari i qeverisë. PS vendosi t’u hyjë detit në këmbë dhe të marrim përsipër sprovën më të egër që të pavarësojmë drejtësinë nga pushteti politik.", u shpreh Rama.
Ai ironizoi edhe kërcënimet e Berishës se do të shkrijë SPAK, teksa tha se e vetmja gjë që do të bëjë është të shkrijë ‘Noc Rrokun’. Nuk kurseu as ironinë për programin e PD, teksa e cilësoi si një program me ‘qofte, pica dhe tavë dheu’.
“ Ja ku e keni bufin e kënetës që thotë me 11 Maj, do të fitojmë, më 12 Maj do të shkrijmë SPAK. Do të shkrijë Noc Rrokun se ky është edhe qyteti i Noc Rrokut.”, tha Rama.
Kryeministri Edi Rama, ironizoi programin e Partisë Demokratike, duke e cilësuar si një program me ‘qofte e pica’. Me ironi, ai tha se nëse do të fitojë, Shkodra do të mbushet me këto ushqime.
‘Edhe për atë programin me qofte e pica, me llojet e tavave të dheut, që në 12 Maj do të shtrohen në të gjitha rrugët e Shqipërisë, do të mbushet Shkodra, i thashë Benetit se duhet me pastruar trotuaret se bo vaki fiton këneta, dhe do mbushen trotuaret me tava dheu, krap, ngjala, vezë e qofte.”, tha Rama.
Kryeministri Edi Rama, nga Shkodra ku po mban një takim me të rinjtë, nuk kurseu ironinë për Sali Berishën, i cili ka thënë se do të shkrijë SPAK nëse do të fitojë më 11 Maj.
Sipas kreut të qeverisë, Berisha do të shkrijë ‘Noc Rrokun’.
“Në 2007 kemi kërkuar një pakt kombëtar për drejtësinë. Në 2009, më pas në 2013 e kemi pasur në program. Kur u bë reforma të tjerët nuk donin të futeshin në sallën e parlamentit, u ngujuan me Lulin në bulevard. Luli këndonte çdo natë himnin, asnjëherë nuk dorëzohet. Gjithmonë i ka fituar të gjitha. Ne e bëmë këtë, sot jemi ne garantët, por që nesër që garancia të jetë aty, ne duhet të jemi në BE. Ja ku e keni bufin e kënetës që thotë me 11 Maj, do të fitojmë, më 12 Maj do të shkrijmë SPAK. Do të shkrijë Noc Rrokun se ky është edhe qyteti i Noc Rrokut.”, tha Rama.
Kryeministri Edi Rama, në takimin me të rinjtë në Shkodër, përmendi edhe njëherë se PS ia dorëzoi shpatën e drejtësisë pushtetit gjyqësor. Kreu i qeverisë tha se partia e tij ndërmori një sprovë të egër dhe realizoi reformën në drejtësi, në një kohë kur të tjerët nuk hynin as në parlament.
“Por kjo mund të mbarojë. Mund të kthehet mbrapsht. Sot jemi ne këtu, unë dhe ju që jemi garant që kjo do të jetë kështu. Ne kemi pushtetin, kemi bërë dorëzimin e shpatës së ndëshkimit që normalisht është në duart e drejtësisë, jo të pushtetit politik, por që faktikisht ishte te zyra ime para se të isha unë aty ishte te zyra e atij para meje deri në 1912 nga qeveritë e para, te mbreti, diktatori, drejtësia ishte nën urdhrat e pushtetit politik. Bënte punët e veta kur nuk kishte lidhje me pushtetin politik. Altin Dumanin e njihni të gjithë por nuk është 22-vjeç. Mund të ketë 20 vjet që është Prokuror. E kishit dëgjuar përpara? Kishit parë përpara që ndonjë ministër apo person me pushtet që hynë e dalin në Tv të shkonte e të jepte llogari në Prokurori, të dënohej në gjykatë apo të arratisej. As prindërit, gjyshërit tuaj nuk kishin parë. Ka pasur vetëm njerëz të dënuar nga i pari i qeverisë. PS vendosi t’u hyjë detit në këmbë dhe të marrim përsipër sprovën më të egër që të pavarësojmë drejtësinë nga pushteti politik. Në 2007 kemi kërkuar një pakt kombëtar për drejtësinë. Në 2009, më pas në 2013 e kemi pasur në program. Kur u bë reforma të tjerët nuk donin të futeshin në sallën e parlamentit, u ngujuan me Lulin në bulevard. ", u shpreh Rama.
Komente
Lajme të tjera
-
Zgjedhjet/ Kryeministri vijon turin me Diasporën në Greqi: Faleminderit shqiptarëve të Kretës, sot në 17:00 në Athinë!
30 Mars, 10:52 -
‘Ti do më marrësh më qafë, si more Lulin...!’ Rama ironizon Berisha-Lapaj me VIDEO-n ‘Teatri i Kukullave’, përfshihet dhe Basha me pizhame: Bufi dhe Tiku drejt bashkimit...! (VIDEO)
30 Mars, 08:21 -
Basha ironizon programin e Ramës në takimin me shqiptarët në Londër: Ke premtuar Shqipërinë 2030, por investove tek Shqipëria 313
29 Mars, 20:36 -
Fitër Bajrami, Rama uron besimtarët: Zoti jua pranoftë lutjet dhe ju shpërbleftë për të gjitha sakrificat
29 Mars, 20:07 -
Rama: Ne duam që fëmijët kudo që ndodhen të mësojnë shqip, në javët në vijim do t'iu prezantojmë aplikacionin e gjuhës shqipe
29 Mars, 18:25 -
‘Investoni në tokat tuaja’, Rama-emigrantëve në Kretë: Kemi dijet dhe eksperiencën e duhur! Për 500 aplikantët e parë, asnjë detyrim ndaj shtetit
29 Mars, 18:09 -
Rama: Me pasaportën e BE-së, do merrni pensionet për punën që bëni këtu dhe fëmijët tuaj nuk do quhen më ‘student të huaj’
29 Mars, 18:08 -
Balla ndan pyetjen që i bëjnë më shumë shqiptarët në Diasporë: Më pyesin a do vini pas zgjedhjeve? I them sot mbajeni mend mirë, vetëm ne dhe Edi Rama mund të vijmë sërish
29 Mars, 17:54 -
Rama nga Kreta: Komuniteti i shqiptarëve në Greqi meriton një respekt të veçantë, për të gjithë atë që kanë hequr këto 30 vite
29 Mars, 17:53 -
Programi i PS për ‘Shqipërinë 2030’/ PD: Rama ofroi të njëjtën ‘përrallë’ si herët e tjera! Meta: Vodhi premtimet tona elektorale! Basha: Ke investuar te 313-ta
29 Mars, 17:19 -
Rama: Mos prisni 15 vite për dokumentet greke, më 11 maj mesazh BE dhe Greqisë se duam të jemi të barabartë! Për 1 vit hapim konsullatën shqiptare në Kretë (VIDEO)
29 Mars, 16:22 -
Thomas Brdaric: Me Egnatian gjyqtarja dhe VAR gabuan! Jemi Vllaznia, s'mund të bëjnë çdo gjë me ne
29 Mars, 15:38
