POP 5

Lajmet më të lexuara të 5 minutave të fundit

Politikë

Rama: Të reflektohet, duhet t'i
kthehet ligjshmëria KQZ-së

Kryetari i Partisë Socialiste Edi Rama i bën thirrje për reflektim dhe kërkon kthimin e ligjshmërisë për Komisionin Qendror Zgjedhor.
TIRANE - Kryetari i Partisë Socialiste Edi Rama i bën thirrje për reflektim dhe kërkon kthimin e ligjshmërisë për Komisionin Qendror Zgjedhor.

Kryetari i PS-së është i sigurtë se koalicioni i majtë do të fitojë zgjedhjet edhe sikur Berisha “të marrë në kuzhinë KQZ-në”, por shpreh shqetësimin se po prishet imazhi i Shqipërisë në sy të ndërkombëtarëve.

“Le ta marrë KQZ në shtëpi, nuk është problemi ynë por i vendit tonë. E rëndësishme është që vendi ynë do të jetë i njollosur me turpin që të lë në fytyrë kryeministri dhe kjo shumicë pa shumicë. Kërkojmë të ketë një reflektim dhe kthim të ligjshmërisë".

Rama përballë gazetarëve tha se “jemi në komunikim intesiv, jemi të shqetësuar për situatën në të cilën ndodhemi duke thënë se “është hedh në erë institucioni i zgjedhjeve”.

“Me kundërshtarin e vetmuar dhe në panik që le ta marri KQZ-në në shtëpi sepse ky është problem i Shqipërisë, i vendit dhe popullit, që do zgjidhet pas 23 qershorit”, - tha kreu socialist.

“Edhe pse ne do fitojnë në sytë e Evropës, SHBA-së që po përpiqen për ne vendi ynë do jetë i njollosur me turpin që po i lë Kryeministri, i njollosur me faktin, që nuk realizon dot zgjedhje të ndershme, ne kërkojmë administrim të zgjedhjeve” – shtoi Rama.

“Nuk ka nevojë të tregojmë gishtin kur gishti tregon hënën” tha Rama ku theksoi se dokumentimi i rregullave me konsensus është shkelur me 4 këmbë, ka mbetur në duart e tre mercenarëve, ku KQZ nuk duhet te jete instrument i partive.

Rama këmbënguli se “ne kërkojmë kthimin e ligjshmërisë për KQZ-në. Do fitojmë edhe sikur KQZ-në ta marri Saliu dhe ta fusi në kuzhinë”.

“Ne do të fitojmë me shumicë bindëse, por nuk është këtu problemi por tek dinjiteti”, - tha Rama.

Fjalën e tij Rama e mbylli duke thënë se “Saliut i mungojnë mustaqet e Llukashenkos se të tjerat i ka, por edhe ato t’ia ngjisi Jozefina me zamkë, pasi Shqipëria pas 23 qershorit do të rilindë me fitoren tonë”.

(ad.ti/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Lejet për armë bëjnë bum në Kosovë

Lejet për armë bëjnë bum në Kosovë

10 Janar, 17:06