Financat paguan ditën e djeshme 3.5 milionë euro interesa
Asnjë informacion nuk është dhënë, as nga zyra e shtypit e PS dhe as nga ajo e Bankës Qendrore, lidhur me atë se çfarë është biseduar konkretisht në këtë takim, por vetë kohëzgjatja jo e zakonshme flet qartë për rëndësinë e problematikës që është prekur nga dy personalitetet.
Në fakt, në pamundësi për të krijuar një ”urë lidhëse” të dy qeverive – që do të ishte shumë frytdhënëse në një shoqëri demokratike – me një ekip të përbashkët, që të merrej të paktën me njohjen e situatës financiare të vendit, Rama ka takuar, menjëherë pas kryetarit të shtetit dhe kryehetuesit të krimit, atë që konsiderohet si faktor kyç të politikës monetare të vendit, mbikëqyrës të ekulibrave makroekonomikë, kreun e Bankës së Shqipërisë.
Kjo flet për rëndësinë që merr, në situatën aktuale, gjendja e arkës së shtetit, në kuadër të përkeqësimit të të ardhurave buxhetore, ndërkohë që qeveria në ikje nuk rresht së shpenzuari, duke rritur defiçitin.
Guvernatori nuk është në gjendje të frenojë ankandet e jashtëzakonshme, që po zhvillon ministria e Financave, me shifra të ekzagjeruara, të cilët rritin tej mase borxhin e brendshëm, duke qenë se BSH vepron vetëm si operator i qeverisë në këtë rast. Kështu, edhe në rast se kreu i PS ja ka kërkuar një gjë të tillë, ankandet teorikisht nuk mund të anulohen. Por, të paktën, BSH mund të frenojë shpenzime jorentabël, që mund të kërkohen nga qeveria, si në të kaluarën. Duke filluar nga mosblerja e bonove me afat 12-mujor maturimi. Por, e dukshme është që kryeministri i ardhshëm i vendit ka kërkuar që Fullani të mos i bindet Berishës dhe Bodes për shpenzime që shkatërrojnë financat e shtetit.
Rama ka paralajmëruar një auditim ndërkombëtar të Financave publike sipas modelit sllovak, para se të hartohen reforma për përmirësimin e situatës ekonomike. Ndërkohë, një nga domosdoshmëritë, për të cilën, si kreu i Partisë Socialiste, ashtu edhe guvernatori i Bankës së Shqipërisë, janë shprehur pozivitisht, është rikthimi i Fondit Monetar në pozitën e mëparshme në Shqipëri.
HESHTJA INFORMATIVE
RAMA NUK HEDH ASNJË LAJM NË TWITTER PËR FULLANIN
Ndryshe nga sa ka vepruar me rastin e takimeve të tjera me krerë të institucioneve të pavarura, Edi Rama ka parapëlqyer të mbajë heshtje të plotë për atë, çka ka biseduar me guvernatorin Fullani. Mund të mendohet se biseda ka prekur tema delikate, duke filluar nga roli i kreut të BSH në shpenzime ekstra, për të cilat ai nuk ka kundërshtuar, të paktën derisa u rizgjodh për një mandat të dytë 7-vjeçar, i propozuar nga Këshilli i Ministrave dhe nga vetë Sali Berisha, publikisht.
ANGJELI
Sipas ish-ministrit të Financave dhe deputet i PS, Anastas Angjeli, Rama duhet të ketë kërkuar nga Fullani që ky të luajë rolin e rëndësishëm kushtetues në kuadër të politikave monetare, duke u vënë fre kërkesave shpërdoruese nga qeveria.
BRAÇE
Ka qenë më i ashpër në komentin e vet deputeti socialist Erjon Braçe, sipas të cilit guvernatori duhet të thotë të vërtetën lidhur me shpenzimet - jashtë çdo limiti - elektorale të Berishës, borxhin publik e kreditë e këqia.
Lajmi fillimisht u publikua më 8 korrik ora 12: 45 dhe u përditësua më 9 korrik ora 07:00
Shkrimi u botua sot në gazetën Shqiptarja.com (print) 09.07.2013
Redaskia Online
(b.m/shqiptarja.com)
Lajme të tjera
-
Javier Mascherano fiton garën me Sylvinhon, prezantohet zyrtarisht te Inter Miami
27 Nëntor, 13:53 -
Grupi i Suel Çelës në Elbasan. GJKKO lë në fuqi 20 nga masat, ndryshon vetëm atë për avokaten Beqiri! Ja LISTA e plotë e masave
27 Nëntor, 13:48 -
Tropojë/ IMT i kapi duke ndërtuar pa leje në zonën turistike të Valbonës, Policia procedon 4 banorët
27 Nëntor, 13:40 -
GJKKO e liroi nga 'arresti shtëpiak', Sali Berisha rikthehet pas 331 ditësh në PD: U kry kjo punë, piramida e mashtrimit ra
27 Nëntor, 13:39 -
'Me teknologjinë bëjmë hapin e fundit në BE', Rama: Më parë në gjyqet e pronave palosej dhe shpalosej harta në seancë dhe vendimi nuk merrej pasi prona ishte në vrimë
27 Nëntor, 13:36 -
'Me Inteligjencë Artificiale transferojmë në kohë të shkurtër legjislacionin e BE-së', Rama: Kroacisë iu deshën 7 vjet, angazhuan përkthyes të shumtë
27 Nëntor, 13:32 -
Rama në tryezën e organizuar nga 'Antikorrupsioni': Ky Komision do nxjerr maksimumin e mendimit intelektual! Do zbatojmë detyrat për të kapur standardet e BE-së
27 Nëntor, 13:28 -
Kukës/ U vetëplagos me armë në lokal, Policia arreston 19-vjeçarin e dëmtuar, pronarin dhe 3 të tjerë! Një i pestë në kërkim
27 Nëntor, 13:26 -
Rama në Komisionin e Posaçëm Antikorrupsion: U bë target gjithfarëlloj akuzash, por do jetë mjet i pazëvendësueshëm pë anëtarësimin në BE
27 Nëntor, 13:23 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Vlorë/ U kap me makinë “Range Rover” të vjedhur në Itali, Policia procedon për trafik mjetesh 34-vjeçarin
27 Nëntor, 13:16 -
“Era dhe lisi”, filmi i Besim Sahatçiut shfaqet në Tiranë. Prezantimi në kuadër të 80-vjetorit të çlirimit të vendit
27 Nëntor, 13:15
