Kryeministri ka postuar foto së bashku me Albana Osmanin, ideatoren e kësaj nisme, ku ka treguar mbështjetjen e tij për t'i ardhur në ndihmë fëmijëve të prekur nga gjaku.
‘’Sot me Albana Osmanin për të mbështetur nismën e saj të bukur në mbledhjen e të ardhurave në ndihmë të fëmijëve të prekur nga sëmundjet e gjakut dhe që po kurohen me përkushtim të posaçëm në pediatrine e QSUT. Vish një lule dielli që këta fëmijë të kenë një mundësi më shumë. #tijenjeluledielli"-ky është statusi i Ramës në Facebook.
(Kryeministri Rama dhe Albana Osmani)
Ti je një luledielli është një fushatë sensibilizuese për grumbullimin e të ardhurave në ndihmë të fëmijëve të prekur nga sëmundjet e gjakut, të cilët janë shtruar dhe trajtohen pranë shërbimit të onkohematologjisë pediatrike pranë QSUT.
Kësaj nisme i janë bashkuar figurat më të rëndësishme të politikës, artit por edhe njerëz të zakonshëm që duan të ndihmojnë fëmijët.
Redaksia Online
XH.K/Shqiptarja.com