Rama viziton shkollën në Vlorë, u bën thirrje mësuesve: Të jeni të durueshëm me fëmijët, do kemi rritje të numrave

Kryeministri Edi Rama ka vizituar shkollën "24 maji" në Vlorë, ku po përgatiten për fillimin e mësimit në vitin e ri shkollor.

Gjatë inspektimit të godinës, Rama tha se ishte një vendim i vështirë për nisjen e shkollave në një kohë të tillë, por pasojat që mund të lërë mungesa e shkollës tek fëmijët janë më të mëdha.

Ai tha se fëmijëve u duhet shpjeguar me kujdes dhe durim situata kalimtare në të cilën ndodhemi.

"Kjo është një sfidë shumë e madhe që kemi ne, por ju keni në radhë të parë sepse jeni çdo ditë. Na është dashur që  ta marrim këtë vendim shumë vështirë për rifillimin e shkollave. Faktikisht porsa kemi ndjekur të gjitha shtetet po e marrin.

Është vendim shumë i vështirë  sepse edhe pse thuhet dhe faktet thonë se fëmijët janë më pak të rrezikuar, e para nuk është e vërtetë për të gjithë fëmijët.

E dyta fëmijët vetë mund të jenë më pak të rrezikuar, por janë transportues. E marrin e sjellin në shtëpi. Padiskutim siç ka ndodhur në vendet e tjera dhe siç presin të gjitha vendet që të ndodhë, do të ketë prapë rritje të numrave. Por nga ana tjetër kostoja psikologjike e mos hapjes së shkollave dhe mbajtjes së fëmijëve nëpër shtëpia përsëri është shumë e madhe dhe pasojat që mund të lërë kjo ndarje shumë e gjatë me shkollën, janë realisht shumë të mëdha. Midis të dyjave ne si shumë të tjerë kemi bërë këtë zgjedhje, por në këtë zgjedhje rolin e posaçëm e keni ju për të qenë sa më strikt.

Çështja është të jetë strikt dhe të jesh i duruar sepse nuk bëhet kjo me britma, me rreshtore, me imponim, por duhet edhe me shpjegim", thotë Rama.

Pas inspektimeve në shkollën "24 maji", Rama ka vizituar punimet në Lungomare të Vlorës, ku u tha se pritet të mbarojë në pranverën e vitit 2021.

Rendit zhvillimet sipas orarit:

Të Fundit Të Parat

/r.k./Shqiptarja.com

TAG:
• edi rama
• Vlore
• shkolla