Ramush Haradinaj: Taksa, masë për ndalimin e agresivitetit serb

Ramush Haradinaj: Taksa, masë për ndalimin e agresivitetit serb

Ramush Haradinaj

Pavarësisht këshillimit apo presionit të vazhdueshëm nga ndërkombëtarët, për çdo mall që Serbia do të fusë në Kosovë, ende duhet të paguajë taksën 100%. Kryeministri i Kosovës, Ramush Haradinaj, shpjegoi për “Radion Evropa e Lirë”, se pse një vendim i tillë nuk i ndikon marrëdhëniet me perendimin. Sipas tij, kjo masë ishte një detyrim për të ndaluar agrisivitetin e Serbisë në marrëdhëniet tregtare.

Kemi pasur një situatë të rëndë, të një agresiviteti të Serbisë në planin ndërkombëtar, por edhe në planin e brendshëm, me tendenca të destabilizimit të Kosovës. Njëkohësisht, edhe një pengesë jotarifore për çdo mall të prodhuar në Kosovë nuk ka mundur që të hyjë në Serbi. Taksa, si vendim i Qeverisë së vendit është një vendim që të mbrohemi nga ky agresivitet.

Zëra ndërkombëtarë e kanë parë taksën si një përpjekje të Kosovës për të mos dialoguar me Serbinë. A është e vërtetë diçka e tillë?

Vullneti për dialog nuk është zbehur nga pala jonë, nga Kosova. Ne kemi kryer disa detyra shtëpie, në këtë rast kemi Platformën shtetërore, kemi Delegacionin shtetëror, kemi një unitet jo vetëm të spektrit qeverisës politik, por edhe një me pjesë të opozitës. Pra, ne jemi të gatshëm për dialog, vlerësojmë se dialogu duhet të vazhdojë.

Serbia nga ana e saj shprehet e vendosur për të mos pranuar asnjë lloj dialogu me Kosovën pa u hequr taksa. Bisedimet mes dy vendeve kanë ngrirë, e me sa duket, të ngrira do ta kalojnë edhe verën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor

Shkodër/ Kryebashkiaku Beci inspekton punimet e molos tek ura e Bunës: Projekti përfundon në qershor