Raporti i auditit të PD: 3431
dublime, bie propozimi i Bibës

TIRANE - Auditi teknicien i propozuar nga kryetarja e KQZ, Lefterie Lleshi, Genti Malko, pas kontrollit të listave të zgjedhësve deri në datën 3 mars rezulton se si persona të dubluar në këto lista janë vetëm 3431, një shifër kjo tepër e ulët duke e krahasuar më atë të auditit të PS Dashamir Çali, i cili nga vëzhgimi ië këtyre listave konstatoi si të dubluar plotë 52 mijë dublime.

Kjo shifër i referohet datës 3 mars, ndërkohë që sipas verifikimeve të bëra nga eksperti Malko në 3 shkurt ky numër ka qenë më i lartë, 4804 rekorde të dubluara. Sipas tij janë dhe 207 dublime të pastruara nga Zyra e Gjendjes Civile.

Sipas Malkut janë dhe 472 rekorde, të cilat sipas tij nuk janë dublime nga Zyra e Gjendjes Civile. Në raportin e tij nuk jepet shifra sesa persona janë të regjistruar pa adresë. Gjithashtu 694 persona rezultojnë se kanë aplikuar për kartë identiteti.

Ky raport pritet që të shqyrtohet në mbledhjen e radhës së KQZ, pas shtyrjes së mbledhjes së djeshme. Pas më shumë se 4 orë debate, anëtarët me konsensus shtynë mbledhjen, ku më parë u rrëzua dhe propozimi i nënkryetarit të KQZ, Denar Biba lidhur me kërkesën që mund të paraqesin dy anëtarë të këtij institucioni për thirrjen e një mbledhjeje.

Shkrimi u botua sot në gazetën Shqiptarja.com (print) 19.03.2013

Redaksi Online
(b.m/shqiptarja.com)

TAG:
• kqz