Qeveritë në mbarë botën po e rrisin kontrollin ndaj përdorimit të internetit dhe mediave sociale, thuhet në raportin më të fundit të organizatës “Freedom House”. Gjatë vitit 2017, zyrtarët e shumë vendeve akuzuan disidentët për përhapje të lajmeve të rreme, si një pretekst për ti detyruar të heshtin. Propaganda online dhe mbledhja e pakontrolluar e të dhënave personale kanë mbizotëruar internetin gjatë vitit të kaluar. Një ekspert i organizatës “Freedom House” i tha korrespondentes së Zërit të Amerikës, Zlatica Hoke, se këto tendenca janë një kërcënim madhor ndaj demokracisë.
Manipulimi i materialeve online kontribuoi për rënien e vazhdueshme prej shtatë vitesh tashmë, të lirisë në internet, thuhet në raportin e “Freedom House” për vitin 2017. Për të tretin vit radhazi, Kina është abuzuesja më e madhe e lirisë së internetit. Lirinë më të madhe në internet e shijojnë shtetasit e Islandës dhe Estonisë.
Një ndër vendet që ka një rënie të theksuar të lirisë në internet është Turqia. Pas grushtit të dështuar të shtetit të vitit 2016 ndaj Presidentit Recep Tayyip Erdogan, përdorimi i internetit në Turqi është rreptësisht i censuruar.
“Faqet në internet që refuzuan të zbatojnë urdhërat e gjykatave turke për heqje të materialeve të caktuara u bllokuan”, thotë Adrian Shahbaz, i organizatës “Freedom House”.
Raporti thotë gjithashtu se manipulimi dhe taktikat e dizinformimit luajtën një rol të rëndësishëm në proceset zgjedhore të 18 vendeve gjatë vitit të kaluar. Në Shtetet e Bashkuara, përhapja e lajmeve të rreme arriti kulmin në pragun e zgjedhjeve të 2016-ës dhe vazhdojnë të përbëjnë shqetësim.
“Fatkeqësisht, kjo periudhë theksoi perceptimin se interneti mund të dëmtojë demokracitë, ashtu siç edhe mund të destabilizojë diktaturat”, thotë zoti Shahbaz.
“Freedom House” bën thirrje për të mbështetur gazetarët e pavarur që do të ndihmonin në hetimin e përdorimit të mediave sociale për të ndalur denoncimin legjitim.
“Kemi parë përpjekje shumë të mira, si në Shtetet e Bashkuara, për të identifikuar kush gjendet pas fushatave të dizinformimit për ndërhyrjet në zgjedhje, apo pas njollosjes së disa gazetarëve”, thotë zoti Shahbaz.
Qeveria ruse radhitet mes përhapësve më të mëdhenj të lajmeve të rreme, në përpjekje për të influencuar zhvillimet në vende të tjera, si dhe për të ruajtur kontrollin brenda Rusisë. VOA
Liria ne internet
Lajme të tjera
-
Freedom House shpallet “organizatë e padëshirueshme” nga Rusia
7 Maj, 20:25 -
Mërtiri në Report Tv: Problem, klientelizmi që politika i bën mediave! Diaspora përdoret për vota, SPAK e vetmja opozitë
4 Maj, 13:25 -
Kosovë: Reagime të shumta pas regresit në lirinë e mediave
4 Maj, 08:39 -
Freedom House: Refuzimi i Serbisë për ta njohur Kosovën, sfidë e madhe në demokratizim
11 Prill, 08:46 -
Freedom House: Shqipëria me demokraci ‘Hibride’, shkak sulmet e SPAK pas arrestimit të Berishës e Ahmetajt! Rithemelimi i dhunshëm, tentoi destabilitetin
11 Prill, 07:44 -
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
Raporti i Freedom House për vendet në Tranzicion: Shqipëria dhe Kosova përmirësim i lehtë, por problemet thelbësore vazhdojnë
24 Maj 2023, 07:22 -
Freedom House: Liria fetare dhe liria e tubimit në Shqipëri fusha të respektuara! Kosova përmirësim prej katër pikësh, një nga arsyet, të drejtat politike
9 Mars 2023, 07:29 -
Frikë nga drejtësia? Freedom House: PD dhe LSI sulmuan SHBA dhe BE sepse mbështesin organet që po hetojnë zyrtarë të lartë
20 Prill 2022, 15:29 -
Raporti i Freedom House për vitin 2021: Në Shqipëri qeverisja në nivel kombëtar, demokratike, por e dominuar nga politika partiake klienteliste
20 Prill 2022, 07:34 -
Raporti i Freedom House: Liria në botë, nën kërcënim të skajshëm, ja ku renditet Shqipëria
24 Shkurt 2022, 07:39 -
Raporti i Freedom House: Shqipëria, pjesërisht e lirë! Rënia me 1 pikë, shkak vrasja e Klodian Rashës nga polici dhe dhuna në protestën për Teatrin
3 Mars 2021, 07:42
