POP 5

Lajmet më të lexuara të 5 minutave të fundit

Ekonomi

Raporti i INSTAT: Rritja reale e pagave në janar-mars, vetëm 2%! U bë nga inflacioni

Rritja reale e pagave në 3-mujorin e parë të këtij viti ishte vetëm 2 për qind si pasojë e efekteve të inflacionit. Raporti i fundit i INSTAT, evidenton se për këtë periudhë, sektorët më të mirëpaguar ishin aktivitetet financiare, ato siguruese dhe komunikacioni. 

Paga minimale shënoi rritje minimale në 3-mujorin e fundit, sipas raportit të INSTAT, pavarësisht përpjekjeve për rritjen e saj si pjesë e politikave për frenimin e largimit të punonjësve jashtë vendit. Sipas vëzhgimit paga bruto mesatare mujore, gjatë tremujorit të parë 2023, ishte 64.706 lekë, ose 9,2% më shumë krahasuar me të njëjtën periudhë të vitit të kaluar. Nëse këtij ndryshimi i shtohet inflacioni mesatar për të njëjtën periudhë, i rritur me 7.2%, ndryshimi real i pagave është vetëm 2%. Nëse pjesa e parë e këtij viti krahasohet me tre mujorin e fundit të vitit 2022, shënohet rënie me 2%, pasi paga mesatare arriti rekordin e 66,014 lekëve, një rritje që lidhet edhe me shpërblimet e e festave.

Aktivitetet Financiare, të sigurimit, Informacionit dhe Komunikacionit, sipas INSTAT ofruan pagë mesatare mujore bruto më të lartë se paga mesatare në nivel kombëtar, gjatë tremujorit të parë 2023.

Gjithashtu pagë mesatare më të lartë krahasuar me mesataren në nivel kombëtar kanë ofruar edhe grup-profesionet e “Menaxherëve, Ligjvënësve, Nëpunësve të lartë të administratës shtetërore dhe drejtorëve ekzekutivë”, si dhe “Specialistë me arsim të lartë”. 

INSTAT vëren se gjatë tremujorit të parë të këtij viti, rritjen më të lartë, me 14,2%, ka pasur edhe paga mesatare bruto e punonjësve të bujqësisë, pyjeve dhe peshkimit. Deri më tani vetëm punonjësit e administratës kanë arritur të tejkalojnë rajonin, ndërsa paga mesatare në sektorë të tjerë të ekonomisë vijon të mbetet e ulët, krahasuar me Serbinë, Malin e Zi, Maqedoninë e Veriut dhe Bosnjë Hercegovinë.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Përmbytjet ‘apokaliptike në Spanjë, shkon në 213 numri i viktimave

Përmbytjet ‘apokaliptike në Spanjë, shkon në 213 numri i viktimave

2 Nëntor, 22:53