POP 5

Lajmet më të lexuara të 5 minutave të fundit

Ekonomi

Raporti i KE: Shqipëria me borxhin më të lartë në rajon! E 3-ta për rritjen ekonomike

Komisioni Evropian e rendit Shqipërinë në vend të parë sa i takon borxhit publik deri në shtator të vitit 2020. Sipas raportit më të fundit ku është marrë në analizë ekonomia e vendeve kandidate për në BE thuhet se borxhi i vendit ishte 79.9%. Ndërkohë lajmi pozitiv është se Shqipëria do të ketë rimëkëmbjen e tretë më të shpejtë në rajon këtë vit. 

TIRANË- Shqipëria renditet si vendi i parë në rajon sa i takon borxhit publik. Sipas një raporti të publikuar së fundmi nga Komisioni Evropian thuhet se në fund të muajit shtator të 2020 ai arriti në 79.9%, duke u renditur në krye të listës.

Në vend të dytë është Mali i Zi që ka ngjashmëri me ekonominë tonë, ku është regjistruar borxhi publik në nivelin e 78.1% të Prodhimit të Brendshëm Bruto. Për të vijuar më pas me Serbinë 57.1% dhe Maqedonia e Veriut 51.5%. Vendi që ka nivelin më të vogël të borxhit është Kosova me vetëm 19.9%.

Shqipëria dhe Mali i Zi janë dy shtetet sipas raportit që vuajtën më së shumti goditjen nga pandemia COVID-19, për shkak të varësisë që kanë ndaj sektorit të shërbimeve e kryesisht ndaj turizmit.

Nga ana tjetër sa i takon recesionit ekonomik në vend të parë është Mali i Zi me rënie prej -14.3%, ndjekur nga Shqipëria me -6.8% dhe Maqedonia e Veriut prej -4.9%.

Si pasojë e rënies më të lartë, Komision Evropian pret që Mali i Zi të ketë edhe rimëkëmbjen më të shpejtë me 6.8%, ndjekur nga Serbia me 4.8% dhe më pas Shqipëria me 3.7%. Në rikuperimin ekonomik të vendit sipas raportit ndikim do të kenë investimet si dhe avancimi i procesit të rindërtimit.

BORXHI PUBLIK
Shqipëria                      79.9%
Mali i Zi                          78.1%
M. e Veriut                    51.5%
Serbia                             57.1%
Turqia                               41.3%
Bosnja                            37.7%
Kosova                          19.9%

RËNIA EKONOMIKE
Shqipëria -6.8%
Mali i zi -14.3%
Maqedonia e veriut  -4.9%
Serbia -1.8%
Turqia  -2.5%

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46