Drejtori i Agjencisë për Medien dhe Informimin, Endri Fuga, ka reaguar në lidhje me raportin e "Reporterëve pa Kufij", i cili e rendit Shqipërinë në listën e vendeve problematike përsa i përket lirisë së shtypit. Sipas Fugës, raporti i publikuar një javë më parë nuk paraqet realitetin, që sipas tij është në medien shqiptare, duke shtuar se nuk ekziston asnjë lloj presioni nga qeverisja aktuale tek asnjë gazetar apo media.
"Unë besoj se çdo reagim duhet të jetë proporcional dhe fatkeqësisht, jo vetëm ky tweet, por i gjithë raporti i publikuar javën e kaluar nuk reflekton realitetin faktik.
Për fat të mirë, në Shqipëri liria e shprehjes dhe liria e medies janë të garantuara vendosmërisht dhe nuk ka asnjë lloj presioni, në asnjë formë, nga kjo qeveri drejt ndonjë gazetari apo medieve", tha Fuga.
Më tej, drejtori per mediat në Kryeministri bëri një krahasim indirekt me të kaluarën kur në vend qeveriste e djathta. Fuga thotë se nuk janë më ditët kur llogaritë bankare të televizioneve bllokoheshin nga autoritetet tatimore apo edhe rastet kur gazetarët qëlloheshin nga policia në protesta.
"Ditët e vjetra të gazetave që digjeshin nga agjentët e sigurimit, llogaritë bankare të televizioneve bllokoheshin nga autoritetet tatimore, asetet e pronarëve të mediave shkatërroheshin nga individë të paidentifikuar apo reporterë që qëlloheshin me armë nga policia gjatë protestave, i përkasin së shkuarës dhe nuk kanë të bëjnë me qeverinë Rama", vijoi Fuga.
Por, drejtori i Agjencisë për Median dhe Informimin pranon se jo gjithçka është perfekte, ndësa sipas tij, incidentet e vogla verbale mes gazetarëve dhe politikanëve ndodhin edhe në vende që janë të renditura më mirë në të njëjtin raport.
"A është çdo gjë perfekte? Sigurisht që jo! Por incidente të vogla verbale mes gazetarëve dhe politikanëve ndodhin jo vetëm në Shqipëri, por kudo, madje edhe në vende që renditen shumë më lart se ne, në të njëjtin raport të @RSF_inter, edhe pse askush nuk i përmend dhe as i konsideron. Sa i përket rastit të përmendur, është më tepër çështje respekti për njëri-tjetrin. Kur dikush bën një pyetje, duhet ta lërë edhe tjetrin të përgjigjet. Ky është një rregull bazë", përfundoi Fuga.
Organizata Gazetarët pa Kufij, në Treguesin Botëror të Lirisë së Shtypit, e radhiti Shqipërinë dhe Kosovën në mesin e vendeve problematike. Në treguesin e publikuar të martën, Shqipëria shënuar rënie, ndërsa Kosova shënuar përparim krahasuar me raportin e një viti më parë.
Komente
Lajme të tjera
-
Vdes në moshën 53-vjeçare drejtori i përgjithshëm i Reporterëve pa Kufij
8 Qershor, 18:50 -
Carlo Bollino: Financimi i Berishës i gazetarëve-killer dhe formimi i politikanit-gjobaxhi
31 Maj, 19:07
-
‘Reporterët Pa Kufij’: Liria e shtypit në botë kërcënohet nga politika! Shqipëria bie me 3 vende, Kosova me 19-të
3 Maj, 08:39 -
Zyrtari i shoqatës së mbrojtjes së gazetarëve me dy standarde, reagon vetëm kur ja kërkon Berisha! Ironizohet në rrjet
23 Korrik 2023, 15:28 -
Liria e medias/ Zëdhënësi i Berishës gjen ‘fajtorin’ për raportin pozitiv të 'Reporterët pa Kufij': Kam dijeni për një lobim të Ramës
4 Maj 2023, 13:14 -
Reporterët Pa Kufij: Dezinformimi e Inteligjenca Artificiale kërcënim për gazetarinë! Shqipëria rritet me 7 vende krahasuar me 2022, por ka ende problematika
3 Maj 2023, 07:50 -
PS fillon përgatitjet për ’14 majin’, Endri Fuga dorëhiqet si drejtor i Agjencisë për Media dhe Informim të Qeverisë: Do merrem me fushatën
3 Mars 2023, 11:18 -
Thyhet maja e “Lapsit”! Reporterët pa Kufij e detyrojnë të përgënjeshtrojë lajmin
28 Shkurt 2023, 22:20 -
Brizida Gjikondi: Degradimi i emisioneve të së dielës
20 Shkurt 2023, 12:56
-
Raporti i disa organizatave evropiane: Mjedisi mediatik në Shqipëri mbetet sfidues
9 Shkurt 2023, 19:55 -
Raporti i ‘Reporterëve pa Kufij’, 1700 gazetarë të vrarë në krye të detyrës që nga viti 2003
30 Dhjetor 2022, 20:22 -
Rama nxjerr dokumentin: Ja shantazhi mediatik, kërkohen 12 mln lekë nga AZHBR, kur nuk i jepen fillojnë lajmet e fabrikuara
2 Nëntor 2022, 09:27
E kane kaluar cakun e mases por rende fare. Tashme mafia dhe rilindja jane nje dhe me fytyra te ndryshme. Si kjo e gebelsit te rames.
Përgjigjupor koha per ti ber block per 6 muaj ka ardhur.
PërgjigjuE verteta faktohet thjesht fare: krahasoni lirine e medias ne kohen e Bishes me ate te sotmen dhe nguleni ne tru pergjigjen.