Mbrojtja e territorit dhe në veçanti e resurseve natyrore e ujore kombëtare paraqitet si domosdoshmëri për zhvillimin e brezit bregdetar. Sipas një raporti të fundit të "United Nations Development Programme", në bashkëpunim me Agjencinë Kombëtare të Territorit, është ndërtuar një plan, sipas të cilit synohet rritja e shkallëve të mbrojtjes së mjedisit, ndërkohë që propozon paralelisht zhvillimin e ndërlidhjes së tyre përmes mënyrave ekologjike dhe është vënë një target për vendin tonë për ndryshimet që synohen për 10 vite.
Në raport shkruhet se mbrojtja dhe zhvillimi i ekosistemit natyror të brezit bregdetar propozohet të kryhet nëpërmjet ndërlidhjes së zonave të mbrojtura mjedisore, të përbëra nga rrjeti i sistemit natyror të parqeve e zonave të mbrojtura mjedisore si dhe nga rrjeti i sistemit ujor të zonave të mbrojtura mjedisore. Lidhja do të realizohet përmes korridoreve të gjelbra ekologjike, në nivel vendor, rajonal e kombëtar. Plani propozon kufizimin e zhvillimeve në afërsi të rrjedhave e brigjeve lumore, duke mundësuar kështu ruajtjen dhe kthimin e tyre në korridore natyrore peizazhistike, që krahas luajtjes së rolit të kalimeve ekologjike për faunën e vendit tonë përbëjnë edhe një potencial të rëndësishëm për zhvillimin e eko-turizmit.
Këto korridore duhet të lidhin asetet natyrore të hapësirës bregdetare, duke përfshirë të gjitha zonat e mbrojtura dhe habitatet ekologjike tokësore e detare, rrjedhat lumore, pyjet dhe zonat peizazhistike pjesë apo jo të vendbanimeve urbane e rurale. Përmirësimi i cilësisë së mjedisit dhe aksesit në detet Adriatik dhe Jon, duhet të realizohet nëpërmjet përdorimit të teknologjive pa dëmtuar mjedisin, shkruan revista Monitor.
Target për 2030:
1. Shtimi me 30% i zonave të mbrojtura natyrore si dhe krijimi i rrjeteve të parqeve në nivel vendor dhe rajonal;
2. Krijimi i korridoreve të gjelbër përgjatë 7 lumenjve kryesorë te vijës bregdetare;
3. Reduktimi me 80% i derdhjeve të mbetjeve dhe ndotjes nga qendrat urbane në lumenjtë e brezit bregdetar.
Lajme të tjera
-
Projektligji/ Gjobat për ndotësit e mjedisit do të rriten me 30%, rreth 2 mln lekë për ata që i djegin vetë plehrat
29 Korrik 2022, 16:04
-
Paracetamoli, nikotina, kafeina..., produktet farmaceutike në lumenj kërcënojnë shëndetin global
15 Shkurt 2022, 09:57 -
Ditë të nxehta dhe temperaturat e larta, ulet ndjeshëm niveli i ujit në liqene dhe lumenj në Kukës
27 Gusht 2021, 09:28 -
Ekskluzive/ Krim mjedisor! Shkarkohet vaj i djegur në bregdetin shqiptar! Prokuroria verifikime mbi dy anije në Porto Romano/Pamjet
15 Qershor 2021, 11:26 -
Nisma sensibilizuese në Ditën Botërore të Mjedisit, INTEGRATED ENERGY pastron Liqenin e Prushit
5 Qershor 2021, 12:41 -
Pamje të mrekullueshme, jahti 97 metra i gjatë në kanalet holandeze
21 Prill 2021, 16:25 -
Ankesa nga qytetarët për muzikë të lartë, e pësojnë administratorët e lokalit në Durrës, 2 në hetim për shfrytëzim të lumenjve
26 Qershor 2020, 10:39 -
Tirana 'vishet' me vijëzime ekologjike, Veliaj: Ndjekim shembujt më të mirë! (FOTO)
26 Maj 2020, 20:13 -
'A ka shkodranë që e duan Shkodrën?' Denoncimi i fortë Ecovolis: Kush po e dëmton liqenin dhe Bunën
24 Shkurt 2020, 18:33
