POP 5

Lajmet më të lexuara të 5 minutave të fundit

Kultura

Rapsodët në kishën e Kuvendit të Arbrit, koncert bamirësie për të çuar përpara restaurimin, Dom Nik Ukgjini: Këtu u tha së pari emri shqiptar

Rapsodë nga Shqipëria e Kosova mbajtën në kishën mesjetare të Kuvendit të Arbrit një koncert bamirësie, për të çuar përpara restaurimin e objektit të shenjtë ku u mbajt ngjarja me peshë historike e fetare 319 vite më parë. Restaurimi, në mungesë të ndihmës së ministrisë së Kulturës bëhet nga drejtuesit e kishës.

Rapsodë nga Shqipëria e Kosova bëhen bashkë në kishën e Shën Gjon Kryepremit, ku u mbajt Kuvendi i Arbrit, plot 319 vite më parë. Që vendi i shenjtë i asaj ngjarje historike e fetare të kthehet në një pikë atraksioni për turistët e të ruhet si vlerë e çmuar e trashëgimisë sonë në ambientet e saj u mbajt një koncert bamirësie. 

Restaurimi i kishës mesjetare së ndodhur në Mërqi të Kallmetit ka nisur, por për ta përmbushur atë, në mungesë të ndihmës nga institucionet shtetërore, nevojiten të nxiten shkëndija humanizmi.

“Jam këtu për të sensibilizuar mbarë opinionin publik që të japë një kontribut sadopak modest për përfundimin e restaurimit të kishës”, thotë “Mjeshtri i madh”, rapsodi Gjon Frroku.

Ndërkaq, emrat e besimtarëve mbushin radhët e fletoreve për bamirësinë e tyre, që kisha të marrë pamjen e saj më të mirë. 

“Kemi dashur që ta mbajmë këtë takim sensibilizues pasi që kemi filluar punimet që në prag të muajit maj... Këtu janë mbledhur burrat që kanë filluar të shkruajnë për herë të parë në gjuhën e mirëfilltë shqipe, këtu është përmend së pari herë emri shqiptar”, rrëfen studiuesi Dom Nik Ukgjini.

Objekti i shenjtë përmendet për herë të parë në vitin 1629, e mendohet të jetë ndërtuar nga austriakët. Restaurimi i saj përfshin fazën e rehabilitimit, meremetimit të qelës dhe krijimin e një parku artistik në oborrin e kishës që simbolizon Kuvendin e Arbrit.  

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Temperatura të ulëta, reshje shiu dhe dëbore, Anira Gjoni në Report Tv: Qarqet më problematike Vlora dhe Gjirokastra

Temperatura të ulëta, reshje shiu dhe dëbore, Anira Gjoni në Report Tv: Qarqet më problematike Vlora dhe Gjirokastra

12 Janar, 13:41