TIRANE- Projektligji i parashikuar për punonjësit e policisë ka përcaktuar rastet kur humbet e drejta e përfitimit të pensionit suplementar. Ndërkohë që është saktësuar se pavarësisht këtij ligji, punonjësit që kanë dalë në pension nuk do t’u rishikohet masa e përfitimit por do të vijojnë të kenë të njëjtën masë të pensionit. Gjithsesi është saktësuar se përfitimi nga pensioni suplementar nuk do të jetë i tatueshëm, por do të përfitohet i plotë.

Përjashtimi
Në rastin e ndërprerjes së marrëdhënies së punës, punonjësi i policisë merr shpërblim si dhe pagë kalimtare. Projektligji parashikon se për të marrë të drejtën e pagës kalimtare do të duhet që një punonjës të ketë të paktën 5 vite shërbim.