POP 5

Lajmet më të lexuara të 5 minutave të fundit

Kronikë

Rasti ‘Qyno’, Komiteti gjyqësor në OKB bllokon SPAK: Ndaloni çdo veprim për hapjen e pajisjeve që i janë sekuestruar gazetarit

Komiteti i të Drejtave të Njeriut që vepron pranë selisë së OKB-së në Zvicër ka marrë në shqyrtim rastin e paprecedentë të ndodhur në Shqipëri ndaj gazetarit të kronikës, Elton Qyno të cilit SPAK i bëri kontroll fizik, banese dhe zyre duke i sekuestruar të dhënat elektronike dhe dokumente pune. Në dokumentin e siguruar bëhet thirrje që SPAK të ndalojë inspektimin e mëtejshëm të materialeve që i janë sekuestruar Qynos. 

Rasti ‘Qyno’, Komiteti gjyqësor në OKB bllokon SPAK: Ndaloni çdo veprim për hapjen e pajisjeve që i janë sekuestruar gazetarit

Elton Qyno

Gjykata (Komiteti) i të Drejtave të Njeriut që vepron pranë selisë së OKB-së në Zvicër ka marrë në shqyrtim rastin e paprecedentë të ndodhur në Shqipëri ndaj gazetarit të kronikës, Elton Qyno të cilit SPAK i bëri kontroll fizik, banese dhe zyre duke i sekuestruar të dhënat elektronike dhe dokumente pune.

Komiteti i gjyqtarëve ndërmori një masë pezulluese ku i kërkon Prokurorisë së Posaçme (SPAK) të përmbahet dhe të ndalojë kryerjen e çdo inspektimi apo përpunimi gjyqësor të materialit që i ka sekuestruar gazetarit Elton Qyno.

Në dokumentin zyrtar të shpërndarë nga institucioni bëhet me dije se Komiteti do të vazhdojë të ndjekë rastin e gazetarit Elton Qyno duke i dhënë afate konkrete shtetit shqiptar për të dhënë prapësime ndaj këtij rasti.

Në 13 dhjetor, gazetari i Ora News, Elton Qyno u mor në pyetje për më shumë se 7 orë në ambientet e Prokurorisë së Posaçme ku iu kërkua të tregonte burimin e informacionit për treguar burimin e transcriptimit të bisedave të vrasësist me pagesë Nuredin Dumani në aplikacionin ‘sky’.

Pasi u mor në pyetje, në banesën e gazetarit u kryen kontrolle të imtësishme dhe iu sekuestruan të gjitha pajisjet personale dhe ato të punës. Marrja në pyetje e Qynos u bë me kërkesë të prokurorit të SPAK, Behar Dibra me pretendimin për nxjerrje të akteve hetimore.

Më 10 janar të këtij viti, 13 organizata për mbrojtjen e gazetarëve, nëpërmjet një deklarate të përbashkët për kreun e SPAK, Altin Dumanin, i kërkuan këtij të fundit kthimin e pajisjeve të sekuestruara të gazetarit Elton Qyno, me argumentimin se masa të tilla ndikojnë në lirinë e medias.

(Kliko këtu për të parë dokumentin e plotë)

B.V/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03