“Keqardhje për mashtrimet dhe përdorimin politik që gazeta juaj vazhdon të bëjë ndaj Bashkisë së Tiranës! Ndryshe nga drejtuesit tuaj politikë, bashkia nuk punon për show dhe as për të dalë në televizor.
Ju bëjmë me dije se janë 26 projekte që kanë përfunduar gjatë muajit maj, ju bëjmë me dije se është drejt përfundimit projekti i rikonstruksionit të rrugëve të amortizuara, ju bëjmë me dije se ka përfunduar vijëzimi i rrugëve, ka përfunduar ndërtimi dhe rindërtimi i 4 kopshteve, çerdheve dhe shkollave vetëm këtë muaj.
Me mashtrime nuk ndihmoni askënd, vetëm tregoni sa keq kanë përfunduar shefat tuaj politikë dhe ju si media që misionin fisnik të shërbimit ndaj qytetarëve e ktheni në shërbim ndaj atyre që kanë ngritur karrierën dhe ekzistencën mbi mashtrimin dhe gënjeshtrën.
Kjo është hera e dytë brenda një jave që media juaj gënjen dhe mashtron”.
Redaksia Online
(Gre.M/Shqiptarja.com)