Reagon për ‘Pa Gjurmë’ i moshuari që u dashurua dhe rrëmbeu 15-vjecaren: Vajza është me mua dhe më lini të qetë

Pa kaluar 24 orë nga historia tronditëse, që Violeta Dobruna, rrëfeu në studion e emisionit ‘Pa Gjurmë’, në Report TV se ish-bashkëjetuesi i saj 60-vjecar u dashurua me të bijën, e më pas u zhdukën të dy, reagon Istref Avdiu, personi i akuzuar. Gjatë një lidhje telefonike live në studio, këtë hënë, ai e mohoi që vajza ishte me të, por pak orë pas transmetimit ai pati një tjetër komunikim me redaksinë e ’Pa Gjurmë’, ndërsa e pranoi se vajzën e kishte strehuar për ta larguar nga nëna e saj. Ja cfarë tha ish-partneri i Violetës, Istrefi për ‘Pa Gjurmë’, lidhur me akuzat e ngritura në studio nga nëna e 15-vjecares. Kjo e fundit u largua në fund të korrikut të këtij viti dhe ka 3 muaj pa u takuar me të ëmën.

Ja biseda e plotë me ish-bashkëjetuesin e akuzuar Istref Avdiu:

Odeta Dume: A ndodhet vajza me ju ?

Istref Avdiu: Vajza ndodhet me mu zonjushë. A e keni pyetur në numrin personal vajzën, se pse vajza është larguar prej saj ?

Odeta Dume: Po ju keni keni nisur një raport intim me vajzën ?

Istref Avdiu: Se di a jeni tu m’kuptu ?

Odeta Dume: Unë kam folur me nënën dhe ajo më ka treguar se ju keni nisur një raport intim me vajzën e saj

Istref Avdiu: Ku e din ajo. Me cfarë e verifikon , se kemi ne një marrëdhënie dashurie ?

Odeta Dume: Po cfarë ju shtyn juve të strehoni një 15-vjeçare?

Istref Avdiu: Zonjë, ju lutem për mirëkuptim, nuk e kam marr të bijën, nuk e kam zhduk. Këtë e kam strehuar prej nënës së saj, se ajo është vajzën e vet tu e shit

Odeta Dume: Po ju mund ta bënit një denoncim në polici, pasi vajza ka dhe një baba, ka vëllezër dhe një motër, pse duhet ta mernit juve ta coni në Serbi ?

Istref Avdiu: A juve shumë po ju intereson kjo gjë ?

Odeta Dume: Po patjetër, na intereson kur bëhet fjalë për një vajzë të mitur.

Istref Avdiu: Por nëse juve ju intereson hajde takohuni me mua  dhe mos më thirrni mo. Mos më pengoni ju lutem. Natën e  mirë. (Mbyll telefonin)

Nëna e Argnesa Dobrunës, Violeta  vazhdon të jetë e bindur se e bija është mashtruar për para dhe se 60-vjecari do t’ja shfrytëzojë në Serbi. Ajo kërkon kthimin e vajzës për t’i shkuar deri në fund kësaj historie.

‘Nuk dal nga dera e kësaj studio pa gjetur vajzën time.Unë dua vajzën time. Këtu do jem, pranë kësaj dere, cdo ditë’, u shpreh nëna.

VIDEO/Emisioni i plotë Pa Gjurmë

B.K./b.ha./Shqiptarja.com
  • Sondazhi i ditës:

    Platforma 'Deputeti që duam' dhe votim nga anëtarësia, a e mbështesni mënyrën si partitë po zgjedhin kandidatët e 25 prillit?

Komento

Komente

  • Elona: 23/09/2020 21:20

    Gjyqtarët Janë për ti çuar të gjithë në burg

    Përgjigju


×

Lajmi i fundit

John

Denoncimet e PD-së për inceneratorët, Murrizi: Janë ngritje pazari për gjobë