Reagon Rama për përplasjet tek 'Petro Nini': Qeveria s'ka fuqi mbi vendimet e gjykatave

Kryeministri Edi Rama reaoi për situatën e rëndë sot në rrugën Petro Nini ku Përmbarimi shkoi të nxjerrë nga një banesë familjarët aktualë, pasi me vendim të formës së prerë, ndërtesa i duhet kthyer pronarit të vërtetë.

Kreu i qeverisë përmes një statusi në Twitter, thotë se qeveria nuk ka asnjë fuqi mbi vendimet e gjyklatave. Ndërsa shton se policia, sic ligji e detyron, duhet t'i përgjigjet Përmbarimit që kishte shkuar me vendim gjykate për të nxjerrë banorët. 

"Të trishtueshme pamjet nga rruga e shtëpisë ku kërkohet ekzekutimi i një vendimi gjyqi të formës së prerë. Por e trishtueshme edhe se si Kazani i përzien gjërat pa lidhje! Qeveria s'ka asnjë fuqi mbi vendimet e gjykatave dhe policia e ka detyrim ligjor t'i përgjigjet Përmbarimit", shkruan Rama.

Nga përplasjet mes përmbarimit dhe banorëve të ndërtesës, pati përplasje ndërsa u tentua disa herë nga Përmbarimi që të hynte me forcë në banesë. Policia shoqëroi disa persona. 

Lajmi kryesor:

Banorët rreth gjashtë orë përplasje me përmbaruesit për pronën! Lleshaj liron kryepolicin e Tiranës

G.M./r.k./Shqiptarja.com

TAG:
• edi rama
• shembja e baneses
• perplasje te petro nini