POP 5

Lajmet më të lexuara të 5 minutave të fundit

Receta

Receta nga Zonja Vjollca: Çomlek me mish dhe Krem Karamel

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Çomlek me mish

Përbërësit:
4-6 racione mish viçi 
2 kokrra qepë mesatare 
1 kg qepë të vogla
1-2 kokrra hudhër
3 gjethe dafine 
1 lgj koncentrat salce 
1 gotë verë të kuqe
Piper i zi kokërr dhe pluhur 
Vaj ulliri
2 lgj uthull (sipas dëshirës)

Përgatitja:

Pastrojmë qepët dhe i shpëlajmë ato. Vendosim vajin në tenxhere  të ngrohtë dhe skuqim mishin deri sat ë marrë pak ngjyrë. Shtojmë 2 qepë mesatare të grira në kubikë të vegjël, i kaurdisim së bashku  me mishin deri sa qepa të fillojë të tretet pak.

Paralel në një tigan tjetër kemi vendosur pak vaj dhe kaurdisim qepët e vogla deri sa ato të zverdhen pak. Më pas i shtojmë në tenxhere ku kemi mishin me qepën. Shtojmë disa thelpinj hudhër të qëruara dhe i hudhër e pastrojmë nga cipa, e presim nga maja dhe e vendosim në tenxhere të plotë.

E shuajmë me verë dhe e lëmë zbuluar  të ziejë për 2-3 minuta dhe shtojmë gjethe dafine. Hollojmë salcën me pak ujë dhe e shtojmë në tenxhere. Shtojmë kripë, piper të zi, disa kokrra piper të zi, 1 gotë ujë dhe mbulojmë tenxheren me kapak. Ulim temperaturën në temperaturë mesatare dhe e lëmë të ziejë deri sa qepa të ziejë plotësisht. Sapo të bashkojen të gjithë përbërësit, gjella mund të vendoset dhe në një tavë dhe e mbulojmë me letër alumini dhe e vendosim në furrë në temperaturë 190º për 2 orë.

Çomlek me mish

Receta e dytë: Krem karamel

Përbërësit:
600 ml qumësht 
4 kokrra vezë 
60 gr sheqer
1 majë luge kripë
1 lç ekstrakt vanilje
Për karamelin:
6 lgj sheqer
3 lgj ujë

Përgatitja:

Fillimisht në një tigan vendosim 6 lgj sheqer, 3 lugë gjelle ujë dhe e lëmë sheqerin fillimisht të shkrijë e më pas të kthehet në karamel.(kujdes, në temperaturë mesatare që të mos na digjet. Pasi të përfitojmë ngjyrën e karamelit e ndajmë atë në 4 tasa.

Vendosim qumështin në tenxhere dhe e lëmë të marrë valë. Më pas e largojmë nga zjarri dhe i vendosim kapak që të mos zëjë ajkë.

Në një tas ose blender vendosim 4 kokrra vezë të bardha dhe të verdha (pra të plota), 60 gr sheqer, një majë kripë, 1 lugë çaji ekstrakt vanilje, i përziejmë mirë. Shtojmë qumështin e nxehtë dhe vazhdojmë përzierjen me tel dore. Më pas kalojmë përzierjen vezë , qumësht në sitë. Vendosim tasat në një tepsi dhe i mbushim ato me kremin e përgatitur. Më pas mbushim ½ e tepsisëme ujë të valuar dhe e evndosim atë në furrë në temperaturën 160ºC për 45 minuta. I lëmë të qetësohen për 15 minuta e më pas i vendosim në frigorifer për 4 orë që të ftohen. Para se ta servirim, me majën e thikës i shkëputim anët e tasit nga kremi duke i kthyer përmbys në një pjatë ku karameli i vendosur në fund të tasit, mbulon komplet kremin e karamelit.

Krem karamel

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Delvinë/ Autobusi dhe një furgon digjen gjatë natës, shkrumbohen nga flakët

Delvinë/ Autobusi dhe një furgon digjen gjatë natës, shkrumbohen nga flakët

25 Prill, 11:06